掃呢頁CODE去手機

2013年10月10日 星期四

栢芝留港一個月  Lucas又逃學





離港三個月後,週一(七日)栢芝帶住一對兒子返港。

探熱針

栢芝留港一個月  Lucas又逃學

張栢芝與謝霆鋒離婚兩年,一對兒子雖雙方共同撫養,卻一直跟隨媽咪生活。今年暑假,栢芝帶同大仔 Lucas及細仔 Quintus到溫哥華,自置三千呎洋房做竇,甚至改埋電話號碼,與謝家劃清界線。

週一(十月七日),離港三個月的栢芝,終於帶住兩個仔返港,對於早前有傳她要求霆鋒將贍養費加碼至七位數,栢芝說:「已交俾法庭處理。」並再三否認移民,「我哋由頭到尾都冇講過移民!都唔知邊個講!」如栢芝所言非虛,正在當地升讀小一的 Lucas,卻如人球般隨母香港加國兩邊飛,被迫長做「逃學威龍」。
其他影片

被迫曠課
自從七月三母子移居溫哥華後,張栢芝不時帶住兩個仔四圍去。上個禮拜,栢芝又湊住大仔 Lucas到泳池學遊水,一身街坊打扮的她全程儫實,見 Lucas上水,即刻攞毛巾幫他抹身。

在溫哥華一住三個月的栢芝,據知今次回港將逗留一個月。不過,今年六歲的 Lucas已在當地的 Walnut Road Elementary School讀 grade one(即本地小一),學校已開學, Lucas跟隨媽咪返港,再做「逃學威龍」。

心情大靚的栢芝有問必答,更停低讓記者影相。

見到媽咪被大批記者圍攻,三歲的 Quintus喊曬,相反, Lucas不停對鏡頭做鬼臉,相當鬼馬。

臨上車, Quintus撲埋媽咪身邊攬住喊。

細仔嚇親
本週一(七日)晚上七點,栢芝一大兩細從加拿大返抵香港,助手及司機亦一早守候機場接機。見栢芝拖住兩個仔行出閘,兩人第一時間各自抱起 Lucas及 Quintus。

面對大批記者採訪,三歲的 Quintus當堂嚇親,失控狂喊,栢芝見狀即叫記者:「唔好嚇親佢呀!唔好影佢啦!」臨上車,喊到收唔到聲的 Quintus,一直攬實媽咪唔放,「唔使驚,媽咪喺度!」

相反,見慣大場面的 Lucas表現淡定,不停對鏡頭整古做怪,又扮細佬喊,連栢芝都忍唔住笑:「 Lucas唔好扮嘢啦!」

離婚後,栢芝與霆鋒堅稱關係良好,去年,二人被拍得帶埋 Lucas到深灣遊艇會遊水,著住三點式的栢芝與霆鋒在池邊一邊曬太陽一邊密斟。

上週,栢芝被網友拍得在溫哥華的平民社區中心湊仔學遊水,栢芝更踎在更衣室門口等 Lucas落堂。

今年八月,栢芝帶 Lucas到溫哥華 Walnut Road Elementary School辦理入學手續。根據學校的校曆表,現正開學期。

有問必答

以往 Lucas已經常無故曠課,甚至陪栢芝到片場開工。
雖然戴住黑超口罩,但栢芝心情不俗。

「(今次返嚟幾耐?係咪定居溫哥華?)我哋未搞掂加拿大啲嘢,(喺 Surrey買咗屋?)冇!冇!冇!(有報導話你要求加贍養費!)交咗俾法庭㗎喇,等律師去告佢哋。(小朋友適唔適應嗰邊生活?有冇掛住 daddy?)有媽咪喺度就 OK!(屋企人有冇過去探你哋!)由始至終都冇講過移民,都唔知邊個講。屋企人有陪我過去!不過早返過我。(會唔會見吓嫲嫲爺爺?)會!一定會!)」

對記者提問,栢芝幾乎有問必答,直至上車,一家人返回世紀大廈寓所休息。


鍾意就快D Share啦!