全城熱爆的娛樂八封新聞 & 時事趣聞 & 生活 + 趣聞
湊女嗰陣，慣咗牛記笠記嘅蔡少芬，當晚執到靚一靚去飲，望落依然嗒得杯落。
立心要做女強人嘅蔡少芬，近日掃完豪宅又開童裝店，反而拍劇重任就交俾當紮老公張晉。前兩晚，媽咪姐撞見著到鬼火咁靚嘅蔡少芬，單拖去灣仔君悅參加卓悅老闆銀婚之喜。事後蔡少芬喺微博猛話好羨慕對方結婚廿五年依然甜甜蜜蜜。
其實蔡少芬又使乜羨慕人，媽咪姐見佢同老公夠日日喺微博打情罵俏啦，一直咁 keep落去，唔好話銀婚，鑽婚都應該 no problem啦！
張晉
飲完不忘上微博嘅蔡少芬，猛話羨慕對方相處多年依然咁恩愛。張晉，識做啦！
當晚除咗蔡少芬（左一），關之琳（左三）同任達華夫婦（右二、三）都有現身撐場，星光熠熠！
