2013年12月31日 星期二

深情告白:Eason讚言出必行 Eason,陳奕迅,




深情告白:Eason讚言出必行



陳奕迅(Eason)對大師姐梅艷芳十分尊敬,他昨接受本報電話訪問說:「記得第一次見梅姐,佢好似遲到兩個鐘,但我冇所謂,好開心可以同佢影相。第二次比較深刻印象,自己發生咗事,喺飛機同幾個朋友造咗啲噪音,甄妮姐姐叫我哋唔好嘈,之後我為梅姐作咗首歌,錄音傾八卦嘢講呢件事,佢話自己做新人時,唔知點解都成為受害者,俾甄妮姐姐鬧咗餐,呢次錄音令我同梅姐距離拉得更加近。」

其後Eason知道梅姐有病,不明白她為甚麼不去醫,他嘆氣說:「我諗佢有佢苦衷,後來佢決定做演唱會,當然有啲擔心,好唔希望見到佢喺舞台上跌低咗,因為佢身體真係唔適合做任何演出,但佢好堅持,我相信呢個係佢心願,好記得當時何超儀、陳子聰喺澳洲結婚,之後我、蘇永康、梁漢文、許志安、張衞健即刻返嚟,支持梅姐幫佢做騷,我好慶幸同佢唱《有心人》,佢讚我天才與白癡只差一線,呢句我永遠記得,梅姐係一言既出駟馬難追,好願意幫人,心地好善良,好靚嘅女仔,祝福你,梅姐。」

採訪:皓騫



逢周五隨《蘋果日報》附送嘅時尚美容雜誌《add》雖然早已派完;

拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!



鍾意就快D Share啦!
Related Posts Plugin for WordPress, Blogger...