上週五（ 28日），出名為食的細細粒到麥記開餐，點到成枱食物，食量驚人。
封面
未掂過男人 細細粒守處： 40歲先失身
上週一（ 25日）首播嘅《 My盛 Lady》，收視最高只有 28點，但劇中飾演富家盛女夏明珠的細細粒（陳嘉佳）搶盡鏡頭，尤其真情流露喊住話：「再食落去真係冇人幫到我，到時一定搵唔到男人鍾意我！」肥得可愛又可憐。
28歲的細細粒，原來現實中係從未拍過拖的 240磅肥妹處女，天生只對食有「情意結」，誓死唔肯減肥，就算上週六飛到曼穀玩四日三夜，身陷危城，細細粒照喪食睬你都傻！俾人話係「盛女」，細細粒決心守處：「我會守處守到 40歲，未到結婚階段我都唔會犯禁！」
- 細細粒直擊
- 細細粒危城報平安之手信篇
- 細細粒回港前掃街食
因為《老表，你好嘢！》，令細細粒入曬屋，龐大身形更成為其標記。因為自小暴飲暴食，又冇節制，細細粒自小已經肥嘟嘟。雖然父母有試過出手控制，但最後都係衰心軟，無可選擇下照畀獨女細細粒放肆，所以細細粒體重長期都 keep住有 240磅，更因為胖侶難求，至今 28歲都仍未拍過拖。
「我唔鍾意運動！」
上週五（ 29日），細細粒到麥記開餐，美食當前，她已經急急腳落柯打，點滿成張枱都係麥樂雞、薯條汽水。早前網上一段名為《一生只想尋找一個肯挨（捱）麥記的女人》勁 hit，細細粒說：「其實我就覺得麥記幾好食，如果個女仔唔食，除非減肥，唔係都幾港女。其實做咩睇唔起啲食物，唔一定要食千幾二千蚊嘅嘢，先顯到身價。」
細細粒身形長期維持 240磅，不過身體狀況一直保持良好水平，從小到大都沒有任何大病痛，細細粒說︰「我唔鍾意運動，𠵱家開始注意食物嘅成分。」 11年加入娛樂圈後，細細粒開始減少進食高油、高熱量的食物。
愛玄彬裴勇俊
《 My盛》中細細粒是典型香港盛女，仲要係超重磅嗰隻；現實中，雖然細細粒都未拍過拖，但就唔恨拍拖，只係同港女一樣，最鍾意韓星，她說：「自己真係未拍過拖，所以都唔知拍拖係做啲咩，𠵱家心目中理想對象係玄彬同裴勇俊，自己就想 40歲前結婚！（有冇性幻想對象？）其實我好重傳統道德觀念，我將拍拖對象、性幻想對象、結婚對象全部都歸納為同一個人，所以我一定要結咗婚先可以發生性行為，我會守處守到 40歲，未到結婚階段我都唔會犯禁！」
匿酒店喪食
新劇角色反應咁好，細細粒忙完頭輪宣傳後，上週六飛到泰國曼穀度假，但就撞正當地爆發反政府示威，多個大型商場及百貨公司都關門，示威者仲佔據了政府總部，四面彿周邊以及包圍警察總部外。
週日（ 1日），細細粒行到 Siam Paragon附近，仲為本刊直擊現場狀況。香港保安局已於週一（ 2日）發出紅色外遊警告，呼籲一般市民應避免到當地旅行。
眼見外面立立亂，細細粒即刻匿入酒店，繼續同「食物」做好朋友，喪飲喪食。不時將美食分享到個人網頁上，似乎未被亂局打擾心情。
細細粒這次泰國遊跟一位朋友同行，原訂計劃都係 shopping、掃街邊美食，不過因遊行示威緣故而不敢外出，只好外賣帶返酒店。得知泰國暴動升溫，有不少朋友致電叫細細粒萬事小心，不過食字行先，細細粒去到邊都搵到好嘢食！細細粒說︰「見到當地電視台有個伯伯受傷，好驚！呢度真係好亂，好多條街都封咗，我呢兩日會留喺酒店，買完嘢食就即刻匿埋，最緊要有得食呀！」
BMI（ Body Mass Index）的全名是「身體質量指數」，其計算公式如下： BMI＝體重（ kg）÷身高（ m）÷身高（ m）
由細肥到大
細細粒自小暴飲暴食，尤其在發育期間更變本加厲，體重直線上升，由最輕 140磅至高峰 260磅，現今維持 240磅。雖然重磅，不過幸好身體沒有任何大病痛。肥人嚟講，細細粒算靚女囉！
盛女逐個出
《 My盛 Lady》共有 7位盛女，身為「教主」的黃子華會各師各法，打救及改造每個盛女，為她們找尋好歸宿。
|
鍾意就快D Share啦！
|
|
|
