掃呢頁CODE去手機

2014年1月16日 星期四

[壹週刊 1245] 死性不改 無綫嚇走林依晨 阿佘捱義氣負傷頂 林依晨,BKD_S,佘詩曼,阿佘,M1,




椎間移位未康復,剛去完新加坡的佘詩曼,月底又要埋位拍新劇《使徒行者》。

探熱針

死性不改 無綫嚇走林依晨 阿佘捱義氣負傷頂

無綫大鑼大鼓開拍賀年單元劇《愛情來的時候》,用曬台灣日本韓國藝人做外援兼出埠拍外景,異常落本。據了解,三地外援包括台灣林依晨和韓國的池城,可惜無綫習性難改,遲遲無劇本,演員想了解開工進程卻十問九不知,加上酬勞唔吸引,最終兩人相繼唔玩!原屬池城的角色改由人氣差一截的延正勛頂上,回歸 TVB的佘詩曼亦捱義氣,幫手執林依晨二攤!

臨時劈炮

農曆年向來是收視淡季,為免收視再插水惹廣告商詐型,無綫破例於新春期間出招,開拍由四個單元組成的微電影《愛情來的時候》,搵來台灣、韓國和日本藝人合作,製造話題外,亦不計成本,移師星、馬、韓、日四個地方進行拍攝。

被鎖定的外援名單包括台劇女王、現正於英國進修的林依晨;還有憑《犀利人妻》彈起的溫昇豪、宥勝和飛輪海的炎亞綸;韓日代表是去年曾在 J2台播過、《守護波士》的池城和人氣一般的渡邊直美。

上月底,準備拍板開工之際,韓國的池城和台灣的林依晨卻先後劈炮。「台灣同韓國都唔興飛紙仔,所以佢哋一路係咁追攞完整劇本,但臨飛前兩個星期都係俾唔到,就算問啲簡單如拍外景住咩酒店?去邊啲景點拍?都無人俾到實質答案,好老實,價錢又唔係特別吸引,池城同林依晨話曬都係阿哥阿姐級,真係睬你(無綫)都傻啦。」無綫一名幕後人員透露。

執林峯二攤的馬國明上星期同佘詩曼、農夫,飛新加坡拍賀歲劇《愛情來的時候》。

同鄭元暢合演《惡作劇之吻》奠定台劇天後地位的林依晨,因遲遲收不到劇本,臨開拍前決定辭演。

同池城有過一面之緣的鍾嘉欣,最後改同韓佳人老公延正勛合演對手戲。

上月中徐子珊已完成同《犀利人妻》的溫昇豪、宥勝在馬來西亞的拍攝。

重新洗牌

原本夥拍鍾嘉欣在韓國埋位的池城辭演,無綫臨急臨忙唯有搵人氣、條件差一截的延正勛頂上;而一心想同台劇女王林依晨合作,先答應犧牲陪千語 BB的林峯,知道對手變成佘詩曼後,立即唔玩冇面俾。

「其實阿佘頸椎移位未好番,月底仲要埋位拍新劇《使徒行者》,但佢都肯幫手飛去新加坡埋位,真係唔話得。」

原定由林依晨搭林峯,最終變為阿佘搭「天然呆」馬國明,面目全非!

兩大外援彈鐘,另外兩個故事包括徐子珊搭溫昇豪和宥勝(馬來西亞),以及王祖藍、炎亞綸搭渡邊直美(日本)則大步𨂾過。但無咗林依晨和池城,人腳差得遠,跌曬 watt。

林依晨辭演,林峯知道後扭計唔肯拍,專心做跟得男友陪千語 BB。

稍後時間王祖藍將夥拍炎亞綸飛日本開工。

縮水卡士

無綫近年收視插水,孭飛演員更加買少見少,唯一出路,靠外援!但你揀人人揀你,臨急換將,卡士縮水,習以為常。

《縱橫天地》

由王晶監製的 TVB劇《縱橫天地》(又名《風雲天地》),去年八月開拍,原先搵咗影後葉德嫻及人氣急升嘅馬國明合演,最後先知馬國明冇期, Deanie姐又甩底,結果要汪明荃和蕭正楠頂上,卡士即刻削咗。

《 M Club》

曾志偉做監製的新劇《 M Club》,獎門人一度親自出馬遊說與無綫反曬面的鄧萃雯、毛舜筠、葉玉卿等人出山,結果卿卿老公唔放人,雯女又話恐懼症復發,結果變成陳慧珊。

《法外風雲》

剛播完的《法外風雲》人腳亦一改再改,由邵美琪換郭羨妮,一個推完又一個,伍詠薇飾演的法官陳思凝,已經是執三攤。



鍾意就快D Share啦!