[壹週刊 1246] Joey買貴鑊做煮飯婆 Joey,容袓兒,M1,

忙完頒獎禮， Joey得閒到去超市買餸同買貴價廚具（箭嘴），返歸下廚整愛心餐。

同你吟一吟

Joey買貴鑊做煮飯婆

紅館開完跨年 show又砌低 Eason成為 2013樂壇「獎霸」嘅容祖兒，上星期二（十四日）同助手走咗去銅鑼灣 shopping，不過唔係買衫扮靚，而係行超市上糧。

喺時代廣場嘅 Citysuper巡咗差不多大半個鐘，濕貨乾貨好快執齊， Joey花最多時間，係喺賣 Le Creuset專區；呢隻法國名牌廚具，鬱嚇手都千千聲， fans就算廚藝不精，照樣儲款儲顏色，極之瘋狂。當日所見， Joey只係買咗隻細 pan，小試牛刀！

即係咁，唔主張生 B嘅牛脷文，都不時落廚整幾味餵飽豬髀安，咁預告要喺 36歲前做媽咪嘅 Joey，為將來計，落足心機炮製營養餐俾劉浩龍歎，係好合理！做媽咪前先試做煮飯婆，天後計劃做人妻人母，唔係講玩笑！

雖然唔使再為個唱控制胃口，但 Joey上糧，大部分以健康為主。

喺《勁歌》臨尾衝刺， Joey最終以攞多一個獎砌低 Eason做 2013樂壇獎霸。

鍾意就快D Share啦！

下一篇 》