對六叔最後致敬，劉華收起老婆單拖現身。
同你吟一吟
送六叔 劉華收埋朱麗倩
上星期五（一月十七日），六嬸為六叔舉行追悼會，秉承亡夫生前簡樸作風，會場不設任何形式同布置，更加謝絕各界致送花圈。
繁文褥節免得就免，到場向娛樂巨人最後致敬嘅，除咗同六叔有賓主關係嘅舊臣、影人，更不乏政商學術界人士。上個月帶埋老婆朱麗倩去廣州告別紅線女嘅劉德華，當日只係單拖到場鞠躬。
八珍曬頭，話曬六叔係佢舊老闆，但劉華竟然冇攜眷，反而告別女姐就拖埋老婆出動，劉太仲要喊到鼻都紅曬，耐人尋味。
唔通真係因為當時《風暴》上畫，劉華見記者就講家事提囡囡拖老婆任影；家陣冇戲上唔使穀，就即刻收埋朱麗倩？
係咁嘅話，《風暴》大陸收三億一票房，劉太功不可沒。
|
鍾意就快D Share啦！
|
|
|
