全城熱爆的娛樂八封新聞 & 時事趣聞 & 生活 + 趣聞
發哥同宇宙一人一句，大收宣傳！
年賀歲片，周潤發打周潤發，有扮玉皇大帝嘅《西遊記之大鬧天宮》，又有飾演美國賭場保安顧問嘅《澳門風雲》。
兩套戲撞埋一齊上，就連北京宣傳，都係黐住！星期日（十九日），《大鬧》三大男主角發哥、宇宙、城城到齊做活動，早個禮拜響廣州站個唱，因為跳彈床搞到韌帶撕裂嘅城城，其間不斷交換手摸住「菠蘿蓋」，仲要痛住做夾心餅，事關發哥台上寸宇宙最強甄子丹脾氣差，宇宙就還擊話發哥片酬好貴，為宣傳落足火藥。 第二日（二十日），發哥再連踩兩場，出席《澳門風雲》記者會同首映禮，呢日雖然冇對手同佢鬥嘴，整番個煲扮靚佬嘅發哥同發嫂情侶裝，一樣咁生猛。
城城腳傷未好，首映禮上，見佢不斷打圈捽「菠蘿蓋」。
日頭孖住杜汶澤謝霆鋒做《澳門風雲》宣傳，夜晚發哥同發嫂情侶裝出席首映禮，由日踩到夜。
