任達華激勵吳浩康甩30磅
影帝任達華及吳浩康昨日到戲院為英皇電影《救火英雄》進行謝票，華哥直言期待票房邁向2千萬後獲老闆派獎金，而被華哥激讚的吳浩康更自爆眼見對方努力keep身形而慚愧，最終下定決心，成功減去30磅肥肉。
早前因肺積水而病倒的影帝任達華，昨日出席《救火英雄》的謝票活動，他大爆截至前日票房已達1,648萬，同時他又讚該片是自己去年最滿意的電影，他說：「希望票房向2千萬進發！到時老闆會派獎金，而獎品就係吳浩康同我提名最佳男配角，（唔想提名最佳男主角？）留畀謝霆鋒同餘文樂啦，總之呢套戲係2013年自己覺得最滿意同最好睇嘅！」談到戲中的催淚情節，華哥笑言老婆琦琦睇完後對他又喊又罵：「佢睇到喊。（你拍危險鏡頭，老婆有冇詐型？）佢鬧我話以後拍之前要話佢知，我幾難受呀！不過其實下次都係拍咗先會講佢知。」
擺脫歌手影子
另外，華哥又對吳浩康讚不絕口，他說：「估唔到佢扮消防員扮得咁似，擺脫咗歌手嘅影子，可以話由歌手變做演員。」對於被華哥力讚，吳浩康笑言打了支強心針：「好多謝華哥，佢係我好欣賞嘅演員同藝人。」他又透露早前為了華哥的一席話，而減去30磅肥肉：「有次喺片場有人請華哥食薯片，但佢話為咗keep身形而冇食零食幾十年，令喺搏殺期嘅我都自慚形穢，產生咗一種職業使命感，所以努力減咗30磅！」
文：影視組
|
鍾意就快D Share啦！
|
|
|
