掃呢頁CODE去手機

2014年1月27日 星期一

發哥叫「甄老闆」射住 子丹即認後輩 子丹,周潤發,發哥,甄子丹,




周潤發與甄子丹繼於內地宣傳新片《西遊記之大鬧天宮》時妙語連珠後,昨晚移師香港舉行大型首映繼續過招,發哥笑言當子丹老闆要他睇住,子丹即認細自稱後輩。

周潤發(左)與甄子丹分享拍攝趣事時,手舞足蹈。

發哥偕發嫂出現,現場即群情洶湧。

發嫂、發哥

汪圓圓豐滿不少爆孕味。

子丹與太太汪詩詩盛裝亮相。

周潤發、甄子丹、郭富城及新人夏梓桐等昨晚出席星皓電影《西遊記之大鬧天宮》首映,與發嫂拍拖到場的發哥進場時引起小騷動,被重重包圍,他處變不驚,還向圍觀者揮手打招呼。

談拍攝感受時,發哥指不乏打戲感辛苦,幸身兼動作導演的子丹在場,他說:「佢都辛苦!(子丹係咪偷你桃?)唔敢,我係玉帝。(咁係咪有?)我話唔拍咪好慘?佢唔會,拍打戲時佢都在場,我哋有咩損傷,保險賠唔起!」隨即笑指子丹是老闆級:「甄生,食粥食飯靠你呀!」子丹即說:「發哥又詐我型!我係後輩咋!」發哥繼續幽默:「你睇住我哋!」

開續集唔怕再打

發哥指票房要達9億元才能歸本,寄望能大收:「老闆諗住開續集,我呢個CEO咪出嚟巡一巡。(續集唔打咁多?)咁就可以收平啲。(怕咗打戲?)依家輕鬆好多。(子丹有冇話你啲動作?)唔會喺我面前講,想死咩?我上面有佛祖,在公在私唔敢鬱我。」

對於賀歲檔有兩片上映,發哥打趣說:「『宇宙最強』先係男一號,我五五波,加埋先夠一套!」而片中飾演彩雲仙子的汪圓圓,被發現一雙手臂變粗,孕味十足,但她否認有喜。

周潤發(左)與甄子丹分享拍攝趣事時,手舞足蹈。

發哥偕發嫂出現,現場即群情洶湧。

發嫂、發哥

汪圓圓豐滿不少爆孕味。

子丹與太太汪詩詩盛裝亮相。



鍾意就快D Share啦!