秋生：唔係十冤九仇 芷菁：惜緣！
黃秋生與陳芷菁因演藝人協會入會問題爆發衝突，5日以來幾乎日日駁火，冤家路窄，前日二人在邵逸夫追思會相遇更是零交流。正當以為事件不知如何收科之際，昨日卻有新發展，這邊廂秋生偃旗息鼓，表示與芷菁「唔係十冤九仇」，那邊廂，芷菁又突然感性，在微博道出「惜緣」的感慨，看來兩人的態度均有軟化跡象，破冰在望。
黃秋生與陳芷菁因演藝人協會（演協）入會問題各有觀點，早前爆發衝突，兩人前日在邵逸夫追思會上狹路相逢更被指零交流，無綫主持黎芷珊昨日出席活動，透露將與秋生合作清談節目，不排除大玩噱頭，請芷菁做嘉賓，芷珊說：「都好喎，唔排除會咁做，不過到時都2月尾，件事可能過咗。（有人認為秋生性格火爆，同佢合作心情點樣？）我諗唔會鬧我，其實我個作用都係緩和個氣氛，有乜事就負責叫停。」
黎芷珊欲拉攏做騷
雖然秋生昨日在Facebook上稱，與芷菁「唔係十冤九仇」、「事情告一段落」，但他對芷珊「好意」不太領情，他接受電話訪問說：「我係因為見到有報道話我同佢（芷菁）喺追思會度唔打招呼，先留言『唔係十冤九仇』、『事情告一段落』，嗰個環境點傾偈呀？完全冇關就寫到好似有仇咁，又想撩是非，可以有咩仇口呢？」
再問秋生是否有人想拉攏他與芷菁在清談節目上交流？他謂：「我的確係會同無綫做清談節目，但13集嘉賓名單一早定曬，點解要做埋啲Gimmick（噱頭）嘢？完全冇必要，夾硬咁加就更戇居！我唔係鍾意搞是非嘅人，一有啲咁嘅新聞都即刻避開，唔想煩！」
對於芷珊欲拉攏芷菁與秋生在清談節目上交流，芷菁昨日則以WhatsApp回覆本報：「未收到通知，要向經理人度期。」問到是否欲與秋生和解？她稱：「我從沒生氣，和解言重了，應該說是事情得到了解，大家互相加深了解。」
講和解覺得好浪漫
至於前日在追思會上狹路相逢秋生前，芷菁已在微博留言「人與人之間的相遇是一種緣分，無論是擦身而過，或是網上文字交流。惜緣！」似有先見之明，對此她說：「當然唔知，假如劇本唔係咁開始，你們是否覺得這樣好浪漫？哈哈哈哈」。
文：影視組
|
鍾意就快D Share啦！
|
|
|
