2014年2月21日 星期五

驚爆有10歲女 楊崢傳聞失控 楊崢,

楊崢覺得傳聞愈來愈誇張:「當笑話聽囉。」


驚爆有10歲女楊崢:傳聞失控

名模楊崢跟無綫小生黃宗澤(Bosco)自公開戀情後,連日來負面新聞接二連三地出現,昨日網上更驚傳未婚的楊崢竟然育有10歲私生女!向楊崢求證時,她表示:「絕對冇咁嘅事,傳聞經已失控。」對於繼名模歐陽妙芝唱衰她後,昨日名模姚書軼與莊思敏指她曾經行Show失場,她則不欲多言,以免愈描愈黑。

本月初「崢澤戀」被本報獨家踢爆後,短短半個月,有關女方負面新聞不斷湧現,當中涉及不少模特兒,先有傳她曾介入大肚黃佩霞與男友戀情,又指她執陳嘉容二攤與Bosco相戀,身為兩人好友的歐陽妙芝更唱衰楊崢,直指當年楊崢搶黃佩霞男友是「事實」。雖然楊崢多次表示:「唔係事實嘅唔回應,當事人已經否認咗。」怎料仍被惡意攻擊,昨日網上更驚傳未婚的她竟然已經有一名10歲私生女!

「咪當笑話聽」

記者昨日聯絡楊崢,對於網上驚爆她育有一名10歲的私生女,她回應道:「絕對冇咁嘅事,傳聞愈傳愈誇張,已經失控。咪當笑話聽囉,都係笑嚇就算。」

對於妙芝指她硬搶黃佩霞男友,楊崢昨晨在電台澄清:「十幾年前已經講過,之前又回應過,唔係真實嘅嘢。」做完節目後她到停車場取車,繼續駕駛Bosco愛車。再問她被唱衰一事時,她說:「否認咗好多次,唔知講咩。(有冇同Bosco討論?)冇。」對於被其他模特兒齊聲指證,她說:「其他人嘅事唔回應啦!(後悔咁高調戀情?)不嬲冇高調。」

黃宗澤連日來均表示想戀情低調,不想多作回應。
  • 黃宗澤連日來均表示想戀情低調,不想多作回應。
楊崢曾與小朋友一齊行騷,母愛氾濫。
  • 楊崢曾與小朋友一齊行騷,母愛氾濫。
姚書軼表示與楊崢不熟。
  • 姚書軼表示與楊崢不熟。
莊思敏
  • 莊思敏

繼妙芝唱衰楊崢後,昨日姚書軼與莊思敏分別出席活動時又再爆料,直指楊崢曾經行Show失場。姚書軼稱與楊崢不熟:「我同佢做嘢五隻手指數得曬,我冇佢電話。」更指楊崢試過失場:「我哋工作一堆人,佢就唔知行去邊,可能佢忙啩。有次一齊做嘢,佢可能Miss咗個Show。(即係No Show?)係,原來可以咁!」記者再追問楊崢為何失場?姚書軼說:「係呀,可能有意外。」問覺不覺楊崢有名模架子?她坦言沒有:「大家都係名模,行出嚟都有氣場。(佢氣場壓過你而蝦你?)冇,佢工作態度Nice,不過係我同佢只會Hi同Bye。」

可能太早趕唔切

而莊思敏昨晚出席春茗晚宴時亦接力數楊崢,她表示與對方少合作,但指她曾失場:「以前一日早午晚行三場Show,佢試過早上嗰場No Show,可能太早趕唔切嚟。(佢之後有咩表示?)話自己病。(幾時嘅事?)四、五年前,佢仲試過活動散咗先到。」對於姚書軼及莊思敏的言論,楊崢表示不欲多談,以免愈描愈黑。

文:專案組



鍾意就快D Share啦!