掃呢頁CODE去手機

2014年2月27日 星期四

[壹週刊 1251] 葉翠翠女兼母職 葉翠翠,M1,




另一半突然離世,暫時仍未接受到的葉父,面容憔悴,葉翠翠於是接埋老豆返自己屋企住,方便照顧。

同你吟一吟

葉翠翠女兼母職

一直受腎病困擾嘅葉翠翠媽咪,今個月初因為接受器官移植引起併發症不幸離世。又要開工、又要安排媽咪三月一日喪禮,加上爸爸仲未接受到自己另一半行先一步,原本一個人搬出嚟住嘅葉翠翠,於是接咗老人家返自己屋企,唔使佢一個留響舊屋睹物思人。

上個禮拜五(二月二十一日)黃昏六點,葉翠翠叫埋阿哥一家三口,同爸爸一齊出九龍城打邊爐聚天倫。一家人坐低食飯,見到葉翠翠終於有番笑容,之後仲抱起姪女玩,暫時拋開喪母之痛。

食飽飯,再去雜貨店同藥房,老豆要買日用品,孝順翠翠爭住俾錢埋單。見《壹》仔一直跟住,葉翠翠主動行上前:「唔好影啦,你都影到打邊爐,我哋想出嚟食飯靜靜哋(心情好啲未?)而家 OK嘞!」

女兼母職照顧爸爸,又識得保護屋企人,外表柔弱嘅葉翠翠,原來可以好硬淨。

葉翠翠吹雞,一家人坐低食飯,開餐期間亦有講有笑。

食完飯去雜貨店,葉翠翠抱起姪女行。

爸爸入雜貨店買嘢,葉翠翠爭住俾錢。

葉翠翠主動行埋嚟,要求《壹》仔唔好再跟。

葉翠翠難忘母親生前點滴,在社交網站留言,指家中小狗都好掛住媽媽。



鍾意就快D Share啦!