負面新聞纏身 楊崢自爆少見Bosco： 大家都好忙
2014-02-11 14:06:00
負面新聞纏身嘅楊崢自言，EQ其實係一般。（攝影：葉君海）
楊崢被爆出同黃宗澤（Bosco）拍拖之後，自自然然就成為大眾焦點。頭先都講過，商台新春團拜一班同事都係圍住佢段戀情嚟笑。佢自己就話唔尷尬，因為團拜要開開心心喎。
佢同Bosco一公開拍拖，負面新聞就開始出現喇，不過佢就話冇同Bosco傾返啲新聞，甚至連見面都少，因為大家都好忙喎。Bosco又話過，太多新聞出現，會影響佢哋兩個之間嘅了解，楊崢就答話：「佢話咩就咩啦，我尊重佢嘅講法。」好一副嫁雞隨雞嘅回應咁喎。
提到雜誌指佢因為搶黃佩霞老公，兩人因而交惡，佢就冷靜咁回應喇：「呢個係多年前嘅不實報道，我同佢（黃佩霞）大家認識嘅，但係大家朋友圈子唔同。」記者讚佢EQ高，佢就笑住話：「一般啦﹗」
楊崢繼續否認不實報道。
商台新春團拜，場面熱鬧。
楊崢今日成為焦點人物。
開心到見牙唔見眼。
|
鍾意就快D Share啦！
|
|
|
