2014年3月7日 星期五

[忽然1周 971] 情傷打擊 廣告走數 韓君婷自揭抑鬱:睇醫生年幾 韓君婷,MW,




回港數日,韓君婷心情甚好,不過她面龐微凹、下巴尖,仍然偏瘦。

娛樂喧

情傷打擊 廣告走數 韓君婷自揭抑鬱:睇醫生年幾

現年 38歲,曾經因為驟肥驟瘦而惹起話題的韓君婷( Belinda), 06年被同性密友陳早茵狠飛後患上抑鬱症, 10年突然離開娛樂圈,四年來銷聲匿跡。

本周日( 2日),韓君婷回港出席友人婚宴。冇見幾年,韓仍然係火柴人, 5呎 5吋身高但體重卻唔夠 100磅。現在移居新加坡為哥哥打理環保生意的她,親述當年被走數 50萬,之後更為斷背情抑鬱暴瘦:「人生裏面有好多錯嘢,我有一排唔開心,睇醫生都睇咗年幾!」

現時雖然由攣拗番直,不過韓君婷受父母分居影響,加上以往情感受傷害,不再輕易投入感情。

其他影片
  • 韓君婷承認抑鬱:睇咗醫生年幾

韓君婷 97年奪「亞洲小姐」冠軍入行,多年來她的新聞都是圍繞時肥時瘦的身形,當年她與陳欣健女兒陳早茵的「斷背情」亦成熱話。闊別香港四年的她,上周因出席朋友婚宴而回港。

3月 2日,韓君婷離港前接受記者埋身訪問,她罕有談及那段慘痛的「斷背情」。據知韓君婷與陳早茵分手後沒聯絡,再見亦不是朋友,而陳早茵亦已另結新歡。

「唉,人生裏面有好多錯嘢!我有一排自己唔開心, concentrate(集中)喺自己唔啱嘅嘢。(係咪指抑鬱嗰段時間?)係!不過我選擇面對現實,有問題咪去睇醫生囉,又有朋友幫我……都睇咗年幾醫生。」

順境時,韓君婷曾在《百年好合》飾演古天樂未婚妻,在《西關大少》和佘詩曼亦有不少對手戲。

《西關大少》

父母分居影響

父母近年分居對她的感情觀影響很大。「阿爸淨係同我講,阿媽點使佢錢,但就唔記得求婚嗰陣講過我愛你。其實之前嘅感情,對方太易講『我愛你』,但佢哋唔知呢三個字嘅意義。我依家想要一段溝通到及雙方平等嘅感情,唔想搵個當老婆係工人嘅老公!」

自覺當年太心急拍拖,對伴侶太遷就,所以現在揀男友寧缺勿濫。「係有男仔追我,但唔心急搵男朋友,我寧願專注工作,幫哥哥做嘢,都算自己生意吖。」

除了愛情失意,當年韓君婷曾被廣告公司走數 50萬,此事亦令她看盡娛樂圈人生百態。廣告商沒俾尾期,想追番都冇人幫。「我都睇到化!」

感情事業波折重重,但原來令她毅然離開娛圈,真正原因是要返新加坡照顧患病母親。「當時事業冇乜大發展,母親身體唔好,我係孻女又未婚,照顧佢嘅責任就落喺我身上,所以返新加坡。我依家好似護士咁,要提母親食藥,又要帶佢去覆診。」

儘管單身,韓君婷自言現在非常享受 OL工作的滿足感,暫時未有意返娛樂圈。「除非好肯定有突破,否則唔會返嚟囉!」

「我依家過嘅生活有規律,三年幾都冇放過大假。起初工作時都有啲忟憎,要慢慢適應,不過我有耐性,話做到始終都會做到。」

情傷爆抑鬱

06年傳出韓君婷戀上陳欣健女兒陳早茵,同年韓君婷被飛而患抑鬱,一度瘦至 90磅。

本周日( 2日),韓君婷應邀為王賢誌主持的《 Vincis Cole》做嘉賓,暢談新加坡 OL生活。

葫蘆 VS巨躉

韓君婷的體重,由高峰期的 150磅,跌至 06年厭食期 85磅,體重波幅達 65磅。

02年 10月 105磅

01年 150磅

02年 5月 140磅

《蘋果日報》圖片

06年 85磅

圖片

星洲私照片

韓君婷多年來冇放過大假,她最大的娛樂,就是黐住姪仔姪女,共享家庭樂。

見女兒咁瘦,韓君婷母親(下圖)雖然身體欠佳,仍不時為韓君婷炮製愛心食品,希望穀肥女兒。

雖然稍為肥咗少少,不過韓君婷身形依然太瘦,下巴冇肉,亦瘦到現鎖骨。

轉 channel暴肥暴瘦 袁潔瑩

94年袁潔瑩患上厭食症,體重一度下跌至 77磅,之後更與富家女阮嘉欣傳緋聞,體重亦回升至 100磅。

13年圓潤

06年激瘦

何超盈

05年何超盈曾稱同性密友 Jessie為「老公」,當時體重達 150磅。翌年兩人分手, 08年她與男友 Greg拍拖,體重跌至 100磅。去年,何超盈與林建嶽三女林愛兒交往,體重持續低迷。

05年面圓

14年尖面

鍾意就快D Share啦!