掃呢頁CODE去手機

2014年3月28日 星期五

[忽然1周 974] 餅女 Elaine結婚 傅穎孤獨學車:冇請我飲 傅穎,MW,




淡妝學車

上周三( 19日)下午五時,便服打扮的傅穎化了淡妝在跑馬地學車,發現記者後因分心而被師傅叫停車換位。她當場大談做學神的樂趣,不過記者一提到 Elaine婚宴,她即時封口閃人。

娛樂喧

餅女 Elaine結婚 傅穎孤獨學車:冇請我飲

女子組合 Cookies雖然拆夥多年,但隊員之間依然是非不絕,當中視鄧麗欣( Stephy)為死敵的傅穎( Theresa),近年都做獨家村,大小聚會統統冇份。

上周三( 19日) Cookies前成員 Elaine在澳門結婚擺酒,傅穎一樣冇影。新娘 Elaine解釋所有在香港的姊妹都會邀請, Theresa因長期在大陸拍劇所以缺席。吊詭的是,本刊記者當日黃昏竟在跑馬地看見 Theresa在悠閒學車。人在香港都被姊妹當透明, Theresa擺明被孤立。











傅穎與鄧麗欣由出道至今一直爭崩頭,關係已去到水火不容,不過由於當時兩人仍是 Cookies要員,唱片公司嚴禁兩人將不和浮面。最後 Cookies解散收場作單飛發展, Stephy與 Theresa從此有你冇我。近年 Stephy成功拉攏吳雨霏( Kary)、區文詩( Angela)等人,不難發現所有姊妹聚會都沒有 Theresa。

左搖右擺

做了四堂學神的傅穎,駕駛技術當然未到家,間中要師傅出手控制軚盤。

忽然歪鼻

記者近看傅穎時,發現她那高高的鼻樑出現微彎,與以往直過間尺的鼻樑確不同。

狂搵人仔

近年主力在大陸發展的傅穎,剛與內地演員彭冠英拍完古裝劇《蘭陵王妃》,近月回港休息,稍後再返國內搵人仔。

02年九餅齊集

02年初出道的 Cookies最齊人,又最齊心,九人組合稱之為九餅少女組,後來因經費問題將人數減至四人,只有 Stephy、 Kary、 Theresa及 Miki有得留低,其餘餅碎即時被淘汰。

錫錫新娘

上周三( 19日)晚, Stephy、 Kary、 Miki及 Angela約埋一齊去澳門參加 Elaine的婚宴,個個作狀咀嘴曬友情。之後 Kary、 Stephy、 Angela仲大鬧新房。

爭仔出事

姊妹追星團

三姊妹( Stephy、 Kary與 Angela)都中了《星星》毒,飲完喜酒即直飛首爾玩樂,話要去搵都敏俊同千頌伊。三人攬頭攬頸兼互咀,大曬十二年友情不變。

冰封三尺非一日之寒, Stephy與 Theresa結怨源於微時。據知情人士透露:「初初只係以為 Theresa唔妥 Stephy做隊長,但早幾年 Theresa出書提及嗰個愛情騙子,依家變咗 Stephy嘅真命天子。原來,當年 Theresa曾主動向呢位愛情騙子示愛,明知人哋有女友都要出擊,明搶嘢!以前 Stephy冇同啲姊妹講啫,依家通曬天,冇人想同 Theresa做姊妹」

事實上, Theresa幾乎絕跡前 Cookies大大小小的姊妹聚會,最多只會隔空在微博溝通。上周三( 19日) Cookies成員 Elaine在澳門擺酒,九餅中只有身在外地的 Helena與 Serena,以及 Theresa缺席。當日 Elaine講明凡在港的所有 Cookies成員都會邀請。正當外界以為 Theresa因身在國內拍劇而缺席,事實上她近月一直在港。

婚宴當日( 19日)下午約五時,記者發現 Theresa在跑馬地學車,在教車師傅指導下,沿成和道一帶慢慢行駛。她雖然是學神,但駕駛技術算不錯,速度適中之外,每次經過障礙物都會打燈示意。不過有時偏左偏右,要師傅出手擰軚。未幾 Theresa發現本刊記者拍照,更揮手向我們打招呼,雙手一度離開軚盤,險象環生。

聞婚宴即閃

由於 Theresa太不專心,為安全起見,教車師傅示意當日到此為止。她下車後向記者表示 6月會參加駕駛考試,現時只上了四次駕駛課堂。當記者問到會否去 Elaine婚禮時,她充耳不聞,即時揮手說再見兼急急腳上車。事後 Theresa接受記者電話訪問,問到有否被邀出席 Elaine飲宴?她忽然又大方回應:「我知 Elaine結婚,不過佢冇請我飲,我祝福佢幸福快樂。」問她會否覺得被孤立?她則說:「我唔想再捲入是非圈,唔回應喇!」

三女遊首爾

Theresa未被邀請 Elaine婚宴,惟有繼續做獨家村。而姊妹們就繼續孖住玩,婚禮翌日 Stephy、 Kary及 Angela一齊去韓國首爾旅行,飲飲食食勁開心,更上載靚相到微博曬友情。 Theresa當年的一時好勝,卻輸了一輩子的友情。

百變傅穎

近年轉戰內地發展的傅穎,不時被人將舊照作對比,由初出道的矇豬眼及包包面,到現時大眼、間尺鼻、瓜子面,個樣實在太唔同,更惹來變臉疑雲。每次傅穎上載新素顏照到微博,大家都因她的「新樣」議論紛紛,甚至有人認不出相中人是傅穎。

03'無添加

出道時無添加,雖然五官不算完美,但總算眉清目秀。

07'輪廓突變

首次變臉,技驚四座,眼、鼻及面形明顯有變,靚曬!

11' V煞現身

開記招自爆被前男友羅仲謙虐打,淡妝上陣的她面形非常 V煞。

14'終極進化

上月新樣上載微博,樣唔同咗之外,仲大曬事業線。經過 12年的進化,已經面目全非。



鍾意就快D Share啦!