掃呢頁CODE去手機

2014年3月24日 星期一

影圈吸金王 古天樂拍四片 今日連跑四場賺到笑 古天樂,




影圈吸金王 古天樂拍四片 今日連跑四場賺到笑

2014-03-24 15:25:00



攝影:陳慧安

今日絕對係古天樂嘅大日子——因為今日喺會展舉行嘅香港影視娛樂博覽,古仔會連跑四場,包括《Z風暴》、《香港仔》、《單身男女2》及另一部電影。方才古仔出席《Z風暴》時,俾記者笑佢係「吸金王」,佢笑笑口謂:「有啲吸咗喇。」但點解越吸越瘦嘅?佢話:「因為成日飛來飛去,農曆年到依家冇乜喺香港過,啱啱由貴陽返,留兩日又飛。」咁會否提早退休?古仔就話:「我天生一條牛命,唔做唔安樂,所以我諗我唔會退休,點都會搵啲嘢俾自己學俾自己做。」咁減產呢?古仔話:「我鍾意做喎,或者會搵合適劇本同導演啦。」

盛傳古仔會接拍衛斯理,佢就話:「聽講已經買咗版權,仲考慮,但佢哋無咁快開,其實我都有興趣拍,因為我鍾意睇科幻小說。」佢又話之前同黃百鳴及倪匡食飯,問過倪匡何以取名衛斯理,倪匡話:「有日出街,見到個牌寫住『衛斯理』,咁咪用呢個名囉。」



學奧斯卡玩自拍?



正正經經影番張大合照



徐靖雯



盛君



張松枝



王敏德



鵬哥又試咪



全港最型嗰班喺齊度!



家棟同古仔



鍾意就快D Share啦!