掃呢頁CODE去手機

2014年3月24日 星期一

張新悅懷第三胎

video


張新悅懷第三胎

張新悅三度有喜:生得是福 唔封肚

楊張新悅(前名張燊悅)、李樂詩一家四口及黃婉君等,昨於西區中山紀念公園出席小熊醫生活動,已有兩女的張新悅首認已有三個多月身孕,懷了第三胎。身形依舊纖瘦,但已見肚的她說:「𠵱家三個幾月,未知仔定女,兩個女就想要細佬,我就仔女都冇所謂,要求佢錫我,健健康康,對社會有貢獻,唔通想生個衰人。」

身體可有不適?張新悅說:「暫時幾好。上幾代提醒唔好拎重嘢,陀仔係好辛苦,𠵱家都有少少頭暈、攰同想瞓,食極都唔飽,好鍾意食酸嘢,尤其陳皮話梅。𠵱家未有增磅,肚就凸凸哋,之前太瘦唔覺。」她更笑言可以出書分享陀BB。問到今胎是否計劃?她說:「係,一直都想要,我就一個起,兩個止,冇乜所謂。成家人知道都好開心,尤其係老人家,希望今次係最後一次。」記者問她生完今胎會否封肚絕育,她即愕然地說:「咁誇張?有BB係福氣,唔使絕育咁誇張!」

採訪、攝影:羅慧敏



■張新悅(左)昨出席活動時,承認已有三個多月身孕。



■再為人母的張新悅肚凸凸,相當顯眼。



■李樂詩一家四口亮相,樂也融融。



鍾意就快D Share啦!