成龍回應「親親」宋祖英： 每次都係咁，不必大驚小怪
2014-03-18 15:50:00
成龍日前喺兩會上，對宋祖英表現熱情，成龍噚日輕描淡寫話：「每次都是這樣，沒什麼大驚小怪的。」
表現熱情嘅嘢，大家識乜吖？講緊嘅係成龍日前參加全國兩會時，被拍到「親親」歌唱家宋祖英貼面照，之後照片喺網上瘋傳，引起網民熱議，有網民直斥其非，有欠大體，甚至轟佢表現猖狂。
成龍噚日喺北京出席「和平友愛」演唱會發佈會，終於開腔回應此事，佢有備而來話：「我每次都這樣的，只是這次被拍到登出來了，沒什麼大驚小怪的，別把事情放那麼大。」嚇﹗每次都係咁？但當日宋祖英表情好尷尬，同埋係被嚇親咁款喎，成龍咁都話大驚小怪？噢....
另外，成龍喺發佈會上透露演唱會將於下月六日舉行，目前已確定嘅嘉賓有李宗盛﹑周傑倫﹑王力宏﹑李玟﹑金喜善﹑EXO﹑古巨基﹑張韶涵﹑郎朗及孫楠等，咁會唔會邀請宋祖英演出？成龍就好型咁話，目前邀請人數太多，演唱會已經超時，佢又話：「如果是這樣，陳思思﹑劉媛媛這些也都要邀請了，我們都合作過了。我在不同的場合會選擇不同的歌手來合作。」
（搜狐娛樂圖片）
今次親親司儀春妮，好熱情嘅呢﹗（搜狐娛樂圖片）
|
鍾意就快D Share啦！
|
|
|
