凸肚湊女
上月 11日下午約六時，當時佗住四個月身孕的徐淑敏仍堅持接兩女兒放學。肚凸凸的 Suki拖住 3歲大女 Vianna， 2歲細女 Renee由司機抱住。
娛樂喧
懷孕五個月 承諾繼續追仔 徐淑敏：呢個都係女
徐淑敏（ Suki）自 09年嫁黃浩後，極速為他誕下兩女，如今大女 Vianna已 3歲，細女 Renee則 2歲。 Suki坦言曾向已故老爺承諾會為黃家繼後香燈，去年她與老公去馬爾代夫旅行，結果再次造人成功，現時已懷有五個多月身孕。
當大家都好想知， Suki今胎仔定女，她卻輕鬆大方揭盅：「呢胎都係女……屋企將會好熱鬧！」似乎沒有半點失望，不過今胎未能追到仔，睇嚟 Suki肚皮仲未收得工。
由港姐到藝員，再轉型做護膚品公司創辦人的徐淑敏，先後為商人黃浩誕下兩女。 29歲的她早前已跟大台和平解約，回復自由身之餘，亦可安心繼續造人。
講過三十歲前生多個的徐淑敏，果然言出必行，她一直想幫老公追個仔，知情人士透露：「 Suki嫁咗五年，一直都好旺老公。早排 Kenny（黃浩）收購咗份報紙，生意愈做愈大，所以 Suki一直想幫老公生個仔，第日可以接管佢啲生意嘛。雖然老公冇俾壓力 Suki，仲講到明三個女都冇所謂，一樣咁開心，不過 Suki點都會繼續追仔，咁後生大把本錢生」
「過咗最辛苦時間」
有錢唔怕繼續生，徐淑敏曾說過生夠三個便收工，希望可以追馬仔。不過記者周一（ 7日）致電 Suki，她似乎改了想法未想「收工」住。
徐：徐淑敏 記：記者
記：恭喜你 Suki，又做媽咪喇！依家佗緊幾多個月？
徐：多謝你呀！依家大概五個半月。
記：仔定女？
徐：今次呢個都係女。
記：會唔會幫老公繼續追個仔呀？
徐：睇情況啦……睇下老公對我好唔好啦，哈哈！三個女熱鬧啲仲好，我同我老公都鍾意熱鬧。
記：今次有冇出現害喜現象？
徐：早兩三個月之前嘔過一次，依家過咗最辛苦嗰段時間，算係佗得舒服，屋企人好 take care（照顧）我，依家都努力工作
狼狽拖女過馬路
黃浩拖兩個女過馬路，點知一個行得快，一個行得慢，十分狼狽，最後 Suki及外母出手救駕，拖番兩女兒，才有驚無險。
現肚湊女放學
腹大便便的 Suki，現時除了打理自己的美容生意外，仍不忘親力親為照顧兩女兒。上月 11日下午六時許，她與老公、家人及保鑣出動兩部車，在中環齊齊接兩女放學。不施脂粉身穿白色鬆身外套兼平底 boot的 Suki，行起來依然輕盈，後來一陣風將外套吹起，其隆起的腹部即時凸顯。雖然她已第三次懷孕，經驗豐富，不過每行一步依然特別小心，尤其落樓梯，都刻意減慢速度。當安排兩女及家人上車後，就一同返回大埔比華利山寓所。
生意人追仔
不少名人女星嫁作人妻後都努力造人，尤其是夫家擁有生意王國，就更加希望幫老公繼後香燈。不過呢個世界冇話包生仔，生嚟生去都係女嘅大有人在，就好似夏春秋拍嘅政府宣傳片一樣，仔仔女女仔……，冇人知呢一 round會「開」咩？
黎姿
黎姿 08年宣布退出娛圈，同年嫁富商馬廷強，之後誕下三名女兒，現年 42歲的她相夫教女，不時傳出再有喜的消息。
王富信
圈中亦有追仔成功例子，李嘉誠大仔李澤鉅與妻子王富信，婚後一連三胎都是女兒，後來王改名為王儷僑，不久終為李家添丁。
|
鍾意就快D Share啦！
|
|
|
