掃呢頁CODE去手機

2014年4月17日 星期四

[壹週刊 1258] 卅年閨密 黃夏蕙出院 陪祥嫂中環開餐 夏蕙,黃夏蕙,M1,




黃夏蕙財困逼人,要借錢度日,間接令黃夏蕙同相識三十年的祥嫂冰釋前嫌。

探熱針

卅年閨密 黃夏蕙出院 陪祥嫂中環開餐

黃夏蕙上月底疑因操勞過度入院,要將在新光戲院舉行的慈善演唱會押後至七月。上週一(七日)傍晚,八十有二的夏蕙 BB出動,孖住曾因財反目的閨密祥嫂(洪金梅),在中環 Cafe Landmark晚飯,休息十多日生猛番曬的她,一眼關七,見有鏡頭「隊」住,立即嗌埋閨密揮手打招呼,離開時又爭住做祥嫂代言:「祥嫂今日唔舒服,我陪佢睇醫生。」

食得又好氣

紅唇厚妝的夏蕙 BB同黑超鮮黃外套的祥嫂(洪金梅),在一眼睇曬的 Cafe Landmark分外顯眼。指手畫腳的祥嫂講多過食,反而同祥嫂助手坐埋一齊的夏蕙 BB則好好胃口,薯條一條接一條大啖食。舉機影相不過三十秒,夏蕙 BB已經𥄫到,叫埋好姊妹望鏡頭打招呼,還超級熱情大叫:「落嚟一齊飲茶吖!」

三十蚊貼士

這對閨密加埋超過百五歲,但貪靚程度絕不比後生女弱,食飽放低刀叉,二人已急不及待拿出粉盒、唇膏密密補妝。

曾經是胡百全二奶的夏蕙 BB,自稱對方在○四年死後,一直未分到應得的遺產,但同相識三十年的祥嫂醫肚,夏蕙 BB自動波嘔吐兩張「大牛」(五百元紙幣)埋單,還豪氣放低三十元作為貼士。

離開餐廳時祥嫂問:「你哋(記者)邊間㗎?」記者追問二人是否有下場?代言人夏蕙 BB聲如洪鐘搶答:「阿祥嫂有少少唔舒服,陪佢出嚟睇醫生,咁我都好番啦。」

之後二人在商場一直找不到路離開,向記者求救,氣若遊絲的祥嫂說:「為人為到底,幫祥嫂截埋(的士)吖?」最後三人由記者帶到置地文華東方酒店門外乘的士離開。

富泰生活不再,同祥嫂食飯,夏蕙 BB居然爭住俾錢,更豪氣放低三十元貼士。



加埋超過百五歲的祥嫂同夏蕙 BB,飯後密密補妝,貪靚過時下後生女。

因財失義

黃夏蕙同祥嫂相識三十年,九六年祥嫂與四名子女為爭產鬧上法庭,好姊妹全程撐,又不時代對方向傳媒發言。○一年,有傳兩人不和,其後夏蕙 BB搞慈善騷,祥嫂都未有蒲頭。

據了解,夏蕙 BB曾介紹租客給祥嫂租用筲箕灣楚留香酒樓鋪位,雙方議好傭金及每個月租金六十八萬,有指事後祥嫂不認數,更說服租客一齊不付傭金,夏蕙 BB一怒之下斷絕來往。

直至○七年,夏蕙 BB財困,名下物業斷供,焗住向祥嫂借錢周轉,二人才再度往來。

九六年鄧家爭產案期間,夏蕙 BB陪同祥嫂前往將軍澳拜祭祥哥。(《蘋果日報》圖片)

同四名子女爭產反目的祥嫂,近年雙方關係修補,其中小艾不時陪媽咪行街食飯。

○七年胡百全病重入院期間,作為二奶的夏蕙 BB斷水斷糧,無錢供樓,名下物業被收回,要在深圳骨場度宿。



鍾意就快D Share啦!