【短片】千億新抱扮執房 為見金秀賢 徐子淇冧爆：好似BB咁鍾意
2014-04-28 03:53:00
千億新抱扮執房 為見金秀賢 徐子淇冧爆：好似BB咁鍾意
星期日一早，最好梗係一家人出去行嚇呼吸嚇新鮮空氣千億新抱徐子淇今朝一早就同父母，一齊喺山頂出席一個慈善步行嘅起兵儀式喇。負責鳴槍起步儀式嘅子淇，以大會Tee加埋爛牛出現，不過起步禮之後子淇竟然係派父母去行，自己就唔行喎，點解呢？
原來子淇老公李家誠噚日生日，本來佢兩公婆噚晚就已經上機去旅行慶祝0架喇，不過就因為想主持埋今朝嘅起步儀式，所以延期，咁子淇一做完嘢，就要即刻返屋企執行李囉。
佢又話早前迷上《來自星星的你》嘅都教授(金秀賢)，日前金秀賢來港仲住喺李家旗下嘅酒店，子淇本來都想落去見嚇偶像，不過就知道就算排隊都未必輪到自己，竟然諗計仔話叫老公幫佢安排一套酒店職員制服俾佢扮house keeping混入房扮打掃喎。咁都諗到，唔怪得老公會呷醋喇。
最後打扮入房當然冇成事啦，子淇話自己平日都唔會追星嘅，亦都好少話人靚仔，不過就話：「但係金秀賢真係好靚仔吖嘛！有朋友仲話佢同我囝囝都係單眼皮、髮型又似，又一樣眼矇矇。」最後都係用呢個理由，老公先唔嬲佢咋。
不過子淇仲唔收口，繼續講，話：「我鍾意佢唔係男女愛情嗰種鍾意，而係覺得佢好似BB咁鍾意。不過佢見面會當日係小朋友放假；如果真係去排隊就真係會忽略咗屋企人，所以都係做house keeping好。」
子淇又話金秀賢同囝囝一樣係單眼皮、髮型又似，又一樣眼矇矇。
千億新抱玩頭髮。
子淇仲話，對金秀賢嘅鍾意，係覺得佢好似BB咁鍾意。
子淇早前迷上《來自星星的你》嘅都教授(金秀賢)。(攝影：仇志德)
|
鍾意就快D Share啦！
|
|
|
