回復單身後 緋聞多多 陳法拉預測：下個同黃子華傳
2014-04-28 17:47:00
Super Girls
好多時部電影同劇集都未上，就會傳出邊個藝人想借啲意識邊個藝人，邊個想捧紅邊個而作出特別關照。
最近就有報道指，有婦之夫鄭中基欽點回復單身嘅陳法拉演出電影《張保仔》，法拉今日同吳千語、顏卓靈出席旺角舉行一個展覽活動，對於呢單新聞，法拉直斥係無中生有，佢話：「演員真係好有心機拍，劇本又好，拍喜劇又開心，唔明點解硬係要咁寫，惟有當宣傳。」
講到鄭中基有意捧紅，法拉覺得都要睇自己造化，冇話捧唔捧。佢仲預測埋自己嚟緊嘅緋聞，佢講笑話近排同黃子華有好多對手戲，下一個緋聞主角應該係同黃子華傳。
另外，早前喺馬來西亞被一間財務公司擅自使用肖像作廣告，法拉指事件已經得到大馬政府協助，所有被盜用肖像嘅廣告亦被拆除。
此外，同場嘅吳千語日前被踢爆去探男友林峯班，佢笑笑口話：「我次次去都有買cupcake同飲品，都有預埋佢。」
Eveyln Choi
顏卓靈
千語BB被踢爆去探男友班。
法拉話被盜用肖像嘅廣告已遭拆除。
法拉曬長腿喎
(攝影:陳慧安)
|
鍾意就快D Share啦！
|
|
|
