掃呢頁CODE去手機

2014年4月2日 星期三

[FACE 358] 孖 G獨贏 《香港仔》鍊贏千嬅 梁詠琪血染假大胸 梁詠琪,楊千嬅,千嬅,BKD_S,MF,




其中一幕 Gigi以一身 Deep V性感打扮,配以殭屍眼妝,啲血仲灑滿胸前,一雞兩味,觀眾雙重享受。

真面目

孖 G獨贏 《香港仔》鍊贏千嬅 梁詠琪血染假大胸

已為人妻的 38歲梁詠琪 Gigi,在彭浩翔新片《香港仔》形象大突破,刻意加工造出 38D逼爆上圍,之前曝光的泳衣照只是前戲,激嘢輪住嚟。

戲中為反映人妻生活, Gigi不惜凸假點,又有為古天樂口交場面,仲有一幕和囡囡的浸浴戲,絕對是她入行以來最激。難怪首映之後個個睇好 Gigi有望提名影後,相反只是素顏出鏡的千嬅,今次真係比下去。

Gigi對導演彭浩翔投信任票,即使戲中有凸點、口交等場口都堅信佢可以將剪接鏡頭控制得好好。

戲中 Gigi飾演一個有樣有身材的模特兒,但原來入行前曾經到韓國「大執」,之後跟古天樂生下的女兒,經常被人說不像父母,令兩公婆一直存有心結,古天樂更懷疑女兒是老婆跟別人生的。嚇,乜咁似嗰 pair?口殊!

《金雞》化妝師裝胸

戲中 Gigi不時質疑自己的價值,經兩位模特兒老友鄭希怡(中)和藍婷芝 Amber(右)遊說後,竟然答應出席富豪飯局。

為配合角色造型,導演請來《金雞 SSS》的泰籍特技化妝師,每日拍攝前, Gigi都要提早 2小時到片場裝胸,用膠水黐上矽膠,塑造出 38D的巨胸,拍攝後又要花 1小時拆彈。 Gigi說:「都幾辛苦㗎,好彩出嚟效果自然,符合角色需要,辛苦都值得嘅!」

戲中 Gigi要扮演一個過氣名模,年紀漸大擔心會被後生一輩取代,難得接到一套胡鬧殭屍片,又頻頻 NG遭導演指責。這場戲 Gigi需要大 Deep V性感打扮, 38D假大胸要噴上假血,幸好一 take過搞掂!戲中 Gigi為求證明自己價值,嘗試出席富豪飯局,得知𡃁模 DaDa(真係由 DaDa客串)的「飯局價」比自己更高,原來是靠口技(爆炸糖?), Gigi回家即幫老公古天樂口交,雖然並冇裸露畫面,但意識極大膽。

「冇曬後顧之憂」

《香港仔》幾位女角都瞓身演出, Gigi凸假點、蔡潔全裸、千嬅素顏, Gigi在首映之後,更被大讚演技大躍進,有望提名影後。她說︰「每個主角都有發揮地方,好鍾意自己個角色,好有挑戰性!(有冇信心提名影後?)表現好唔好,始終都要睇觀眾,至於提名攞獎,有好多因素影響,自己做好本份就夠!(戲入面好性感?)有激情場面出現都好合理,始終係兩公婆屋企會做嘅嘢,一啲都唔核突,相信導演可以處理得好好!老公都有睇,仲大讚好自然,證明自己當初決定冇錯,係有回報嘅。(婚後演得更放?)我同老公有好好嘅默契,佢好支持我工作上每一個決定,冇曬後顧之憂,自己可以更加專注事業。」

凸假點幫古仔口交

Gigi 38D假大胸真空上陣,這場凸假點戲,其實 Gigi都有掙紮過,不過信任彭浩翔才豁出去演。

裝上 38D假大胸的 Gigi,戲中有不少飛釘鏡頭,為部戲瞓身演出。

Gigi與古天樂合作多次,演夫妻關係都有一定的默契,其中一幕仲同古仔玩到腿張開,露埋紅色底褲,真係睇見都嘩嘩聲!

童星李汶桂飾演 Gigi和古天樂的女兒,是戲中非常關鍵的角色,因樣貌不似父母,古天樂怕她在學校被欺負,迫她學功夫,又懷疑係老婆同第二個男人所生。

經國際級的泰籍特技化妝師打造後, Gigi激變 38D巨胸,更被導演爆拍攝期間,不時自拍,咁又係,機會難得嘛!

首映反應 Gigi贏曬

千嬅最大的心結是與去世母親的關係,紙紮的士和紙紮屋令電影增加詭異感。

Gigi和千嬅同樣是《香港仔》的女主角,不過論造型、角色發揮和可觀性, Gigi都佔盡優勢, 38D假大胸已經引來極大回響,加上三角底褲、凸點等戲分,令 Gigi的角色更立體。有傳在首映當晚,千嬅看過完整版即時怒睥彭浩翔,本刊記者在現場所見,明顯觀眾對 Gigi的反應最大,坐在記者後排的谷德昭,仲忍唔住爆咗句︰「嘩!梁詠琪凸點呀?」



鍾意就快D Share啦!