掃呢頁CODE去手機

2014年4月2日 星期三

[FACE 358] 甩鞋千語 論盡紅地氈 吳千語 吳千語,千語,MF,




行行嚇唔小心甩鞋,千語 BB即刻驚青眨眼。好彩條裙夠長,遮曬甩鞋嘅後腳,千語 BB先冇咁尷尬。

FBI

甩鞋千語 論盡紅地氈

吳千語自從榮升林峯嫂後,被邀出席名牌同社交活動多到數唔曬,恨死唔少女星。

話曬都算係電影界嘅一分子,上週四( 27日)千語 BB就被邀出席喺澳門舉行嘅「亞洲電影大獎」頒獎典禮。當晚都有唔少巨星出席,好似劉嘉玲、章子怡、吳君如同甄子丹等等,個個分量十足,行紅地氈時更係大方得體,可惜千語 BB唔知係咪未行慣紅地氈,定係揀錯裙,當晚佢行行嚇竟然唔小心甩鞋。除咗甩鞋,千語亦好論盡咁全程用雙手拉起條公主裙,即使地氈旁有 fans叫佢名,佢都無手同對方 say hi。之後佢同 FBI講:「有問過大會可否安排男伴扶,但大會話冇……男友(林峯)因為要做嘢嚟唔到。」

講真個個女星行紅地氈,條裙都係有咁長得咁長,嘉玲、子怡,就連 Da Da都未驚過,千語 BB咁後生仲有大把紅地氈要行,得閒要喺屋企練嚇喇。

入場嗰陣,千語 BB其實昂首闊步有台型,可惜冇耐就甩鞋。

千語 BB同 Da Da喺頒獎禮 party影合照,由於唔同「 level」,所以同章子怡或者嘉玲就未被安排合照。

章子怡憑《一代宗師》奪影後,今次已經係佢第 8次做影後,大家睇佢行紅地氈個自然自信樣款,咪知咩叫影後級囉!



鍾意就快D Share啦!