[FACE 359] 鬈毛陳豪咀戲怕怕 陳豪,MF,

一開工姚子羚就攞住本劇本惡補，而陳豪就好有紳士風度，企喺度等佢睇熟先，陳視帝好有耐性。

FBI

鬈毛陳豪咀戲怕怕

上月先同愛妻陳茵媺去完泰國蘇梅島慶祝囝囝 Aiden（梓燁）出世百日嘅陳豪，話咁快又返回工作崗位為新劇《陪著你走》開工，繼續搏殺賺錢養家。

點知到 roll機，姚子羚又唔記得對白兼交唔到戲，要導演揸住本劇本教佢做戲。

上星期四（ 3日）， FBI見到電咗頭鬈毛嘅陳豪同姚子羚，喺深水埗一間大牌檔外拍嗌交戲。對戲時身為「視帝」嘅陳豪駕輕就熟，兩三下散手導演就收貨；至於唔同 level嘅姚子羚就冇咁好彩，成晚被導演捉住教戲，陳豪就焗住企喺度聽書，難得視帝全程笑騎騎，冇黑面㗎！

好快陳豪就拍完自己嗰 part，趁住空檔， FBI問陳豪係咪真係唔使再拍親熱戲，陳豪話：「其實我係一個好保守嘅人嚟㗎，拍親熱戲就唔好喇！哈哈， touch wood到呢個階段都未有！」同劇女主角係胡杏兒，陳豪應該都唔恨咀

導演訓話

之後姚子羚又交唔到功課，導演終於忍唔住向佢「認真教導」，姚子羚惟有以笑遮醜！

鍾意就快D Share啦！

下一篇 》