掃呢頁CODE去手機

2014年4月23日 星期三

[FACE 361] 靠關係 冧掂準老爺 𡃁版李麗珍激咀曾國祥 曾國祥,李麗珍,熱門,MF,




曾國祥都算體貼,夜晚三點專登駕車到深水埗接女朋友,女友即時獻吻獎勵, 26歲糖妹企隔籬都當透明,就知二人打得火熱。

真面目

靠關係 冧掂準老爺 𡃁版李麗珍激咀曾國祥

無綫新劇《女人俱樂部》(前名《 M Club》),本週首播,上年宣布開拍,監製曾志偉便打正旗號話因為受 2011年韓國賣座冠軍電影《陽光姊妹淘》「啟發」,想拍一套女性劇集,所以《女》劇都跟足《陽光》,由 7位「美魔女」做賣點,再搭配 7位青春女星演少女版。

劇未播,已夠曬話題。拍過電影《囡囡》及《超級經理人》等電影的王敏奕,飾演少女版李麗珍,戲分於 7位少女當中最多。據知,曾志偉除了揀中王敏奕,更撮合王同細仔曾國祥,二人拍拖半年。上週六( 19日)王敏奕出席完《女人俱樂部》活動後,即會情郎,情到濃時,更懶理身邊大 4年的糖妹(黃山怡),跟男友當街激咀,呢啲咪青春囉!



其他影片: >>新抱仔街頭激情










飾演少女版李麗珍、 22歲的王敏奕( Venus),早於 15歲入行拍麥曦茵自編自導的電影《烈日當空》,王更曾到紐約進修電影及戲劇課程,回港後拍過《囡囡》及《超級經理人》後便被麥曦茵簽為旗下藝人。本週首播的《女人俱樂部》,王敏奕飾演少女版李麗珍,戲分跟飾演少女版李若彤的陳嘉寶平起平坐。

拖實

曾國祥一落車,女友王敏奕即捉實男友手唔放,相當肉緊。

摸面

曾國祥想回身上車,此時王敏奕即伸手摸男友面。

曾志偉勁 like

曾國祥與王敏奕於 10年因拍《囡囡》而認識,據知當時曾國祥已對王敏奕有好感,但身邊有拍拖多年女友,加上不時傳出跟𡃁模緋聞,王敏奕亦唔敢畀機會曾國祥。之後因曾國祥跟女友分手,二人終於在上年年尾正式撻著。上年 12月二人出席亞太影展更繑手行紅地氈,當晚曾志偉亦在場,默認王敏奕「新抱仔」身份。

據知曾志偉對兒子新女友亦讚不絕口,幕後人員透露:「上年拍《女人俱樂部》佢好勤力,而且表現係 7個女仔中最好,志偉好 like佢。」

曾國祥、王敏奕年紀相差 12年,不過外形合襯,二人又愛電影,上年更一齊拖住手出席澳門亞洲電影展。

王敏奕五官、外形同李麗珍相似,由佢做少女版珍妹適合不過。而 7位少女版論演戲經驗,王敏奕亦係最豐富,絕對會跑出。《蘋果日報》圖片

曾國祥:我個底好花

深得準老爺歡喜,王敏奕跟曾國祥拍拖自然冇障礙。據知,一眾《女》劇年輕版成員都知二人關係,所以曾國祥也經常接女友收工。上週六( 19日)王敏奕出席完《女》劇活動後,即同一班台前幕後到長沙灣食宵夜,食到淩晨近 3點,王敏奕孖住糖妹搭的士離開,之後到達深水埗,原來男友曾國祥早已在附近。二人一見面即如熱戀情侶般接吻,而喺隔籬的糖妹亦不以為然,明顯見慣二人 sweet爆行為。

記者致電王敏奕經理人麥曦茵了解,她說不知王敏奕跟曾志偉仔拍拖,「我哋公司唔阻止旗下藝人拍拖。(係咪因為曾國祥一早對王敏奕有好感,所以志偉畀佢做少女版李麗珍?)絕對唔係, casting當日只有監製陳維冠同李麗珍,志偉哥不在場,係佢哋覺得王敏奕適合先畀機會佢演。」而男友曾國祥就對女友相當維護,他說:「我哋識咗好耐,上年喺澳門拍完嘢之後,就開始發展,我個底係好花,但我真係唔想影響佢,佢係一個好好嘅女仔同演員,佢同我一齊係拍完《女人俱樂部》之後嘅事,我唔希望大家誤會佢,佢得到呢個演出機會係靠自己實力。」

7位少女版自拍《女人俱樂部》後成為好姊妹,上週六( 19日)仲一齊到深水埗大中華食宵夜兼糖水。

《女》劇為曾志偉首部監製電視劇,志偉親自遊說李若彤、張慧儀等出山幫手。少女版亦從各大 model、經理人公司中選出。據知志偉對《女》劇的製作相當認真,不少場口唔滿意就落 order補拍。

7位少女版以陳嘉寶(左)及王敏奕(右)戲分最多,更有泳裝落水戲。

抄《陽光姊妹淘》唔使「本」

《陽光姊妹淘》講述 7個女仔中學時期組成「 Sunny」舞團的 7公主,各散東西 25年後重逢故事,《女人俱樂部》亦同樣 7個女人做主角,亦係講 7位女仔失散多年再重遇嘅故事,不過港版啲少女老過原版一截囉。

本週首播的《女人俱樂部》,雖然監製曾志偉只話「取材」自韓片《陽光姊妹淘》,更搵嚟《桃姐》金像獎得獎編劇陳淑賢幫手,不過唔少情節都倒模《陽》片。以 TVB慳慣及霸權作風,當然唔會揼「本」買版權,似咪似囉!



《陽光姊妹淘》(左)的 7公主「 Sunny」因於中學時代經常跳舞,而《女人俱樂部》亦係 7個少女組成的「 M Club」經常一齊跳舞,《女》劇之前甚至改過名叫《舞室保衞戰》,又會咁啱嘅?

《女》

《陽》



《陽》(右)片以 1976年黑人樂隊 Boney M名曲〈 Sunny〉為 7位女角嘅舞曲,而《女》劇同以懐舊經典 disco歌作為主角嘅跳舞歌,用上 1978年 Gloria Gaynor名曲〈 I Will Survive〉,算做唔係抄足囉。

《女》

《陽》



《陽》片尾段主角生癌離世,而《女》劇主角李若彤(右)亦同樣喺結局篇會生子宮頸癌,連韓式典型催淚結局都抄埋。

《女》

《陽》



鍾意就快D Share啦!