馮仁昭四圍超： 阿Yu藉性侵經歷 助受害者解困 - 馮仁昭
阿Yu爆童年遭性侵後 眼濕濕：為自己發聲
趙頌茹（阿Yu）之前驚爆童年被親戚性侵三年，最近向老公周永恒（Roy）坦白整件事經過，阿Yu擔心女兒步自己後塵，所以公開埋藏咗27年嘅秘密。噚日Roy陪同阿Yu出席尖沙嘴香港身心創傷治療中心講座，係事件後首次出席公開場合，阿Yu似乎有啲驚面對群眾，受訪時縮喺老公後面，其間仲忍唔住喊。佢話：「再講多次（性侵）有啲壓力，都面對緊自己。」Roy就重申唔係要法律追究：「真係為咗下一代，為著一個社會風氣發聲，希望大家尊重我哋做呢件事，係好大勇氣。」
個報道出咗阿Yu話喺微博收到啲女仔私訊，話有佢咁嘅經歷，講到呢度阿Yu就開始喊，話：「我唔可以咁樣落去，好想自己面對自己，我覺得自己係好，我希望嗰啲女仔都有權為自己發聲。」
■阿Yu受訪時挨實老公，仲忍唔住喊。
多謝老公支持
Roy仲話呢個訊息發出之後，好開心可以幫到人，佢話：「最開心係有個case搵人幫手，去咗報案中心，佢個case都幾嚴重。」最後阿Yu開心番，除咗得到支持，仲有老公力撐，佢即場多謝老公！
撰文：馮仁昭
■阿Yu（右）勇敢面對唔開心嘅經歷，仲出席講座幫助其他人。
|
鍾意就快D Share啦！
|
|
|
