掃呢頁CODE去手機

2014年5月28日 星期三

[FACE 366] 食家 坤哥逢女溝  Super Girls Aka斬纜:賤男 坤哥,吳業坤,MF,




雖然年齡相差 3歲,不過 24歲坤哥照食 27歲 Aka可也,拍拖期間仲試過孖住去食乳酪雪糕。

網上圖片

真面目

食家 坤哥逢女溝  Super Girls Aka斬纜:賤男

娛圈近年唔少藝人都選擇公開戀情,不過仍然有小情侶選擇玩地下情,以為分手後乾手淨腳無人知,可惜紙包唔住火。

最近有報導指「巨聲幫」坤哥(吳業坤)與女子組合 Super Girls隊長趙慧珊( Aka)暗撻半年,月前分手皆因 Aka拜金又港女。但本刊獲悉,分手主因係表面傻更更的坤哥,原來勁花心,幾乎逢女都啱的坤哥,與 Aka拍拖期間仍四圍溝女,又溝化妝師,連 Aka的 Super Girls隊友都唔放過。 Aka忍痛分手,再見不是朋友。

參加 10年的《超級巨聲 2》出道,今年 24歲的吳業坤(坤哥),靠自彈自唱加冇殺傷力戇男樣跑出。雖然最終無獲獎,卻換來不少女粉絲,即使至今仍未獲唱片公司簽約,但差不多隔日就放片上 YouTube,總算 keep住人氣。

化妝妹

坤哥幾乎逢女都啱,據知,呢位叫阿 Yau的化妝師近排成為咗坤哥嘅新目標。

網上圖片

Instagram鬧賤男

與坤哥撻著兼分手報道出街後, Aka上週四忍唔住喺 Instagram抒發情緒,冇指明道姓,不過 Aka po出冇耐就將呢個 post刪除。要鬧又要驚!

一次過抄 3女牌

加入大台後,坤哥曾參與劇集演出,雖然只屬小配角,不過搞笑角色深入民心,加上戇直樣成功「入屋」,獲唔少出鏡率。

據知坤哥於 12年參加節目《萬眾同心公益金》時,與剛出道的 Super Girls首次碰面。「坤哥之前已經睇中 Aka、 Yanny(陳穎欣)同埋 Heidi(李靜儀)。雖然係第一次見,不過坤哥其實唔係咁怕醜,三兩嚇手勢就即場抄曬佢哋牌,之後當然有主動搵人啦,不過 Heidi同 Yanny無理佢,最終俾佢溝到 Aka。」

大坤哥 3年、 27歲的 Aka 08年曾在有線做娛樂主播, 11年加入 Super Girls, 12年首次參與大型公開節目即被坤哥睇中。據知,坤哥初時以教結他為由主動接近 Aka。 Aka週日( 25日)向本刊說:「唱歌、跳舞、畫畫我自己識,咁我又想向多 talent方面發展,咁佢(坤哥)又好熱心教我,我都想學多啲嘢。」

11年出道的 Super Girls,因為近日有 2位成員參演大台中女劇而多人關注,點知就間接爆埋單戀情出嚟。

12年 Super Girls參與第一個大型活動就遇上當晚扮女人表演的坤哥(上圖),當晚坤哥更一次過抄咗 Aka、 Yanny同 Heidi牌,真係唔怕食唔曬。

「佢教我結他我請佢食飯」

拍拖半年從未被傳媒撞破,原來 2人拍拖地點多以坤哥屋企為主,「兩個都搵得唔多,仲邊有咁多閒錢去街?加上始終都有知名度,公司又唔俾拍拖,出街搏俾記者影相咩?」知情人透露。據知,坤哥與 Aka拍拖期間仍不時與多名女性朋友表現熟絡,如吳若希及何雁詩等,更有人曾向 Aka告密,指坤哥同時追緊另一年輕化妝師阿 Yau,令 Aka對坤哥完全失去信心,主動提出分手。

面對坤哥的花心卻被指嫌棄男友無車無錢, Aka即激動澄清:「我身上一樣名牌都無,衫褲幾乎全部都係 sponsor,連銀包我都唔係用名牌。講真我要拜金,其實我可以識個富二代,唔使𠵱家咁節衣縮食。佢教我結他,我有請番佢食飯㗎,我唔會要佢白教我!」

表面正直的坤哥,原來與 Aka拍拖期間仍然有攞住結他四圍追女仔, Aka為自己伸寃後,面對與坤哥過去的戀情, Aka仍維護對方,「我 feel到佢係對我好好。(點解分手?)唔回應太多喇,怕講多錯多。」

不過 Aka正為轉簽新唱片公司張羅,冇同坤哥聯絡,「呢排好忙無時間學結他,都係時候要停一停喇。」睇嚟 2人要經過一段時間先做得到再見亦是朋友。

週日( 25日)坤哥去旺角出席籃球活動。當日坤哥個樣雖然勁殘,但一見記者影相即舉「 V」,心情完全冇受甩拖影響。對於記者追問佢同 Aka分手原因,坤哥只表示:「唔回應」。

10年只有 20歲的坤哥仲參加緊《超級巨聲 2》,當時佢個樣由於戇直,加上有少少音樂才華,所以頗受觀眾關注。

Aka曾經 TB?

本網上發現多張 Aka同一位男性打扮女密友的合照,對於疑似曾斷背, Aka表現冷靜:「我以前讀女校,又跳芭蕾舞,身邊真係有好多呢啲女仔朋友,或者叫做 TB啦。不過我從來都無諗過要同佢哋一齊,因為我知道唔會有將來。但係同佢哋真係好 friend,好似呢個咁(相中人),佢𠵱家去咗美國,不過我哋仲有 keep住聯絡。」

Aka同 TB密友經常黐實影相,其中 1張貼紙相上面寫上「 FOREVER」(永遠),係指友誼定愛情先?

Aka話呢對戒指只係友誼永固咁解,叫讀者唔好亂諗。

網上圖片

網上圖片

升 3線

雖然仲未有唱片公司肯簽,但坤哥會不定期放歌上 YouTube,平均每首歌的點擊率超過 1萬,算係對一直想做真正歌手的坤哥有交代。暫時做唔成歌手,坤哥惟有以接劇為生,自參加完《超級巨聲 2》後,即有機會參演《你們我們他們》, 13年就拍住馬明喺《戀愛季節》做私家偵探,年尾重頭喺劇集《 My盛 Lady》同細細粒演一 pair。而嚟緊 6月首播,由黃宗澤主演的《點金勝手》,坤哥戲份亦會大增,升上 3線。睇嚟即使坤哥一路無唱片公司斟洽,都唔會餓死嘅。

靠 YouTube發圍

做唔成歌星,坤哥自彈自唱口水歌上載到 YouTube,最新鮮熱辣一首翻唱 Shine的〈燕尾蝶〉,獲不少好評!

'13《 My盛 Lady》

劇中同大件過佢 2倍有多的「細細粒」陳嘉佳結婚,爆笑「入屋」。

'13《戀愛季節》

演私家偵探兼馬明助手,開始多劇拍。



鍾意就快D Share啦!