2014年6月27日 星期五

[忽然1周 987] 亞視又出事劉錫賢驚失業 亞視,劉錫賢,MW,




劉錫賢心情無奈,認為事態嚴重,好擔心突然無咗份工。

媽咪姐

亞視又出事劉錫賢驚失業

前亞視董事查懋聲同查懋德兩兄弟,為追番 2.45億債項,早前向法庭申請亞視清盤,周三( 25日)開審,周四( 26日)應該有結果。當然,好多人同媽咪姐一樣,等佢執笠等到頸都長埋,但如果清盤,唔少藝人同幕後都會失業嘞。

不過咁,亞視似乎當件事冇發生過!周二( 24日)仲照樣搞活動。肥哥哥劉錫賢見到媽咪姐,忍唔住呻咗兩句:「等法庭去判,當然最好唔會發生。亞視有咁多員工,唔希望呢啲不愉快事件發生,但係始終法律就係法律,要等待佢判咗我哋先知。希望今次法律係公正,講理據。」佢仲話好擔心失業㖭!其實劉錫賢有演技,唔憂嘅,世界唔止有亞視嘛。

未反面前,王征同查懋聲幾老友!不過佢近排潛咗水,但媽咪姐收到風,佢成日喺網上曬戰利品問啲 friend靚唔靚?有錢去 shopping,不如還錢

(左起)張家瑩、鄭伊娜同顏子菲出席活動時好落力咁拋胸,都啱嘅!靠自己穩陣啲!



鍾意就快D Share啦!