掃呢頁CODE去手機

2014年6月11日 星期三

62歲岑建勳 撻著43歲何婉盈 相戀半年




【短片】【又一對父女戀】62歲岑建勳 撻著43歲何婉盈 相戀半年

2014-06-11 03:27:00



其他影片:>>






【又一對父女戀】62歲岑建勳 撻著43歲何婉盈 相戀半年

呢期娛樂圈好興父女戀,繼全城熱話嘅48歲導演彭順,背妻偷食26歲0靚模李悅彤外,近日51歲鄭敬基亦認搭上27歲電台DJ,而今日再有雜誌報道,指年屆62歲嘅資深電影人岑建勳,同比佢細19年嘅前港姐何婉盈(Elaine)撻著﹗﹗﹗

報道指兩人相戀半年,早前更同遊法國,喺香港則四出拍拖到友人屋企食飯,又一齊穿街坊裝放狗,雖然年齡相距甚遠,但兩人仍享受拍拖生活。

Elaine喺1991年參選港姐位列前5名(當年冠軍係郭藹明),曾與曾航生、魏駿傑拍拖嘅Elaine,喺2001年嫁畀商人傅大全,當年仲喺洲際酒店筳開50席,點知婚姻只維持1年半,就閃電離婚,Elaine回復單身。直至2008年,何婉盈曾經公開承認蜜運,仲有傳佢同當年嘅男友生咗個女,0依家大概都有5、6歲。

早前Elaine被發現同岑建勳漫步放狗,二人被指聯同Elaine嘅女兒,一齊到朋友屋企飯聚,雙方不避嫌將喺唔同場合聚會嘅合照放上facebook,兩人都喺面書po出同遊法國嘅相大曬恩愛,據知佢哋嘅戀情,喺佢哋嘅朋友圈已經唔係秘密,今年情人節兩人仲拍拖打邊爐。

岑建勳曾有三段婚姻,1970年同首任太太區艷璋結婚,婚姻維持5年結束;1984年,岑與劉天蘭結婚,育有一女岑寧兒,4年後離婚;1991年,岑與謝寧結婚,誔下岑寧童與岑寧樂,婚姻維持14年,於2005年離婚。

而岑建勳所有女兒嘅facebook都有加入Elaine為朋友,相信其女兒都好接受爸爸嘅新戀情。

睇落大纜扯唔埋嘅戀情,其實兩人喺1992年嘅華東水災籌款已結緣,當年為《忘我大匯演》擔任主持嘅岑建勳,同當年代表無綫去採訪《忘我大匯演》嘅何婉盈,因為呢個工作而相識,繼後因為喺港大校友會活動經常見面而熟絡。



(facebook圖片)



岑建勳同第三任妻子謝寧(資料圖片)



(資料圖片)



岑建勳與劉天蘭(中)(資料圖片)



大家還記得何婉盈與曾航生當年首經典合唱歌《再見亦是朋友》嗎?(資料圖片)



何婉盈與魏駿傑曾經拍過拖。(資料圖片)



何婉盈與傅大全離婚收場。(資料圖片)



岑建勳與施南生及蕭芳芳合照。(facebook圖片)



鍾意就快D Share啦!