【新鮮娛頭】爆女方有千萬物業 鄭敬基摸瑪姬面珠 驗證有冇整容
2014-06-18 07:35:00
鄭敬基真係篤落去喎！（攝影：溫敏之）
鄭敬基噚晚偕緋聞女友瑪姬到AMC又一城出席電影《上帝之手》慈善首映禮暨「十大神蹟」畫展，在一片風雨聲中，兩人齊齊面對，鄭敬基更主動為女友解畫。
有報道指瑪姬曾當第三者同整容，問到鄭敬基會否心痛，佢話：「呢個朋友畀人講下係應該。我對人哋整過容好敏感，我一睇就知，好似割雙眼皮、鼻窿收細咗，佢好難係假。真金不怕紅爐火，真嘅唔怕畀人摸。」
現場傳媒即場請鄭敬基摸摸馬姬，鄭敬基不避嫌摸嚇馬姬個鼻同額頭，佢又話：「點解做咗塊面都咁大嘅？」瑪姬即撒嬌謂：「想死你呀？踩中我死穴，啲人話我同阿媽一樣樣，真金不怕紅爐火，清者自清。」
對於做過第三者嘅指控，瑪姬話：「得啖笑，冇發生過，不攻自破。」鄭敬基指瑪姬未到30歲已擁有千萬物業，睇唔明點解被指做第三者；另鄭敬基又表示唔會請女方做演唱會嘉賓，以免被指借緋聞宣傳。
「
男方話：「我對人哋整過容好敏感，我一睇就知。」
「點解做咗塊面都咁大嘅？」
「佢好難係假。真金不怕紅爐火，真嘅唔怕畀人摸。」
|
鍾意就快D Share啦！
|
|
|
