【短片】【姨媽開腔】江希文與奶奶關係惡劣？ 江欣燕撐胞妹：佢唔工心計
2014-06-24 02:52:00
【姨媽開腔】江希文與奶奶關係惡劣？ 江欣燕撐胞妹：佢唔工心計
近日有報道指江希文資深大律師胡漢清結婚並誕下囡囡，仲低調返港，入住沙宣道大宅過少奶奶生活。
身為江希文胞姊嘅江欣燕（欣欣），今日出席喺上環舉行嘅黃宇詩自家內衣品牌me Me & ME嘅開幕記者會，榮升姨媽嘅欣欣大方表示有同妹妹見面，仲探望得意到爆嘅姨甥女，欣欣話：「妹妹0依家嘅生活好快樂，好似一個正常婦人，以湊女為樂，多謝大家咁關心，佢冇乜特別。」
有指江希文嘅奶奶莊永楚避走加拿大，欣欣話：「我唔係好清楚佢屋企嘅嘢，佢兩個快樂開心就得，以前我都唔係咁鍾意小朋友，0依家屋企多咗個新成員，我都充滿愛心，當係自己個女咁錫。」
咁妹妹有冇為報道而不開心，欣欣話：「唔會，我見佢冇乜嘢，我自己睇佢係一個好賢良淑德嘅人，係一個好好嘅媽媽，呢樣已經足夠，佢丈夫屋企嘅事，就由佢丈夫自己處理。」
至於妹妹婆媳之間關係是否惡劣？佢就話：「我唔知，我妹妹唔係一個咁工心計嘅人。據我所知佢哋應該唔係一齊住，係咪返嚟定居，要等佢兩個自己決定，有好多嘢要配合。」
(攝影：仇志德)
欣欣大方回應佢妹妹江希文近日報道。
江希文自嫁俾胡漢清後，是非不斷。(資料圖片)
|
鍾意就快D Share啦！
|
|
|
