焦媛批演藝師弟妹冇禮貌 秋生：要趁後生做
焦媛鬧爆演藝師弟妹發聲 秋生：要趁後生做
前日演藝學院舉行畢業禮，三分一應屆畢業生當著監禮的署理特首林鄭月娥高唱《問誰未發聲》，更有60人拒向她鞠躬致謝，部份更以屁股相向表達對政府不滿。演藝學院師姐、高志森女友焦媛昨日淩晨在微博表示：「對於演藝學院畢業典禮，某些師弟師妹的行為，實在令我好失望，好失望，我希望我們永遠不合作，因不喜歡不感恩的人！」
■焦媛在微博鬧爆演藝師弟妹，在畢業禮上對林鄭冇禮貌（右圖）。資料圖片
舒琪鄒凱光寸爆焦媛
不過焦媛師兄黃秋生有另一番見解，他昨日接受電話訪問時說：「呢幾年都係咁，差唔多變傳統啦，我想問𠵱家後生唔做，唔通到50幾歲至嚟做？讀藝術係咁反叛同創作，唔通好似死人咁麻木呀？各人有各人想法，你（焦媛）唔同人合作，啲學生反過嚟都可以話唔同你合作啫，冇所謂。」
另外，演藝學院電影電視學院院長、導演舒琪昨在facebook貼出「骨氣」二字諷刺焦媛，並謂：「還是那一句：學生都是成年人。我們要相信他們。另外，我相信，並堅持，做人要有骨氣。這是粵語片教我的。」而《金雞sss》導演鄒凱光亦在fb寸焦媛說：「你永遠不想跟我合作？我幾時話過想同你合作啫？」
採訪：李森
【我撐公投】網頁:
http://622popvote.appledaily.com
|
鍾意就快D Share啦！
|
|
|
