2014年6月30日星期一

張崇基海中心壞船海事處話「愛莫能助」

【短片】【政府運作...】張崇基海中心壞船海事處話「愛莫能助」

2014-06-30 03:42:00

其他影片：>>

【政府運作...】張崇基海中心壞船海事處話「愛莫能助」

張崇基一向都有滑水嘅嗜好，仲有間教滑水嘅學校，今日張崇基都出咗海滑水，但就遇到啲不愉快嘅事。

啱啱張崇基喺微博打咗段純文字：「今天終於見識到政府部門的運作。今天滑水至下午三點左右、快艇熄火後突然不能再發動。於是報警因為在海中心情況危急。結果海事處有一首船在附近，它慢駛至我們旁邊了解情況，但説愛莫能助，因為他們不能幫忙拖船。首先他們叫我們找朋友幫忙(我們已經試過但找不到), 他後來叫我們報警call水警幫忙。」過咗兩分鐘之後，張崇基再打多咗一段文字話：「最後兩首船在拿了我的證件抄下資料後相繼離開！海事處還說要我有時間到他們office落口供寫報告！他們離開時分別説我們沒有即時危險，如果有可以再打999！(現在還在海中心)」

之後張崇基接受本報電話訪問，好勞氣咁話：「真係好謊謬，原來要自生自滅，係咪真係要死人先會處理？」

崇基又控訴海事處和水警互相推卸，妄顧市民生死：「佢哋可以坐視不理各自離開，話我哋冇即時危險，唯一畀咗四個拖船公司電話我，但三個打唔到，一個話冇船，自己絕望先打999，點知佢哋話守則唔可以拖船怕拖爛。所謂水警同海事處，原來除咗死先會救你，我哋七個人喺海飄流三個鐘，終於自己搞掂，搵附近相熟有快艇嘅朋友救我。」

張崇基出咗海滑水，點知快艇熄火後突然不能再發動。