掃呢頁CODE去手機

2014年6月4日 星期三

[FACE 367] 撻着李詩韻前度 張曦雯泊 club佬碼頭 張曦雯,李詩韻,MF,




今年 3月, Phil生日喺主場 PLAY舉行生日會,當晚張曦雯就好似女主人咁企正 Phil隔籬,留意佢條裙,同男友套西裝都係白色,明顯襯過。不過張曦雯仍死口唔認拍拖,「 Phil係一個好正直,好有遠見嘅男人……不過我哋係好朋友啫。」網上圖片

FBI

撻著李詩韻前度 張曦雯泊 club佬碼頭

逢星期一至五除咗睇到維穩《東張西望》晚晚話《西遊記》好睇外,亦睇到明珠台索女張曦雯( Kelly)。

Kelly早前喺配對節目《搵個好男人》出現,憑長腿同鬼妹仔性格成功引到巴打關注。女神喺《搵》節目就話冇男友,但原來已暗暗同金融才俊兼夜場 PLAY的其中一位老闆 Phil拍拖。 FBI聽啲蒲友講,其實佢兩個都拍咗拖有半年,而 Kelly亦經常落 PLAY探男友, 2人一見面更一定當眾咀嘴,好鬼煙韌。查實 Phil之前都同過唔少靚女拍拖, 10年就被爆同李詩韻撻著, FBI問張曦雯介唔介意,鬼妹仔 Kelly當然唔介意,但就死口唔認拍拖,「我同佢係朋友啫,我同 Selena(李詩韻)都係好朋友嚟,我哋 3個都有時食飯。( Phil同佢拍過拖都唔介意?)唔介意,我又唔係同 Phil拍拖。」有圖有真相, FBI就喺 facebook搵到多張 2人密照,其實 Kelly又唔係偶像,做乜要否認呢?

Phil同張曦雯拍拖半年有多,喺中環夜場基本上眾所周知。李詩韻死黨、歌手劉晨芝(右一)亦有同佢哋一齊夜蒲,不過劉晨芝好口密,佢同 FBI講:「我忙緊自己間 club嘅生意,真係唔知佢哋係咪拍拖。」網上圖片

大台假配對

今年 2月,張曦雯喺配對節目《搵個好男人》內對候選好男人、音樂人雷翰宗情有獨鍾, 2人最後更成功配對,但查實當時佢已經同 PLAY老闆 Phil拍拖。

10年 Phil曾被影到同李詩韻拍拖,但 2人拍拖唔夠 1年,於 11年掟煲。圖片

上月李詩韻拍完新劇《寒山潛龍》,即聯同大班朋友去旅行潛水,未有男友生活一樣充實。網上圖片



鍾意就快D Share啦!