掃呢頁CODE去手機

2014年7月11日 星期五

[忽然1周 989] Pink Pink花姨嚇親世姪女 花姨,宫雪花,MW,




騎呢當新款,識咩吖你哋!(設計對白)

媽咪姐

Pink Pink花姨嚇親世姪女

前幾日媽咪姐個世姪女唐貝詩喺香港公園 L16搞咗個生日 party,請咗 200人一齊慶祝,不過就現場所見,出席嘅好多都係媽咪寇鴻萍嘅 best friend,係 auntie級人馬,不過最驚嚇嘅絕對係花姨囉!平時甚少蒲頭嘅佢,嗰晚簡直係「全新上陣」,又係嗰句,當時媽咪姐睇見花姨,都要學「狼夫人」咁,倒抽咗一口涼氣。

花姨呢個新 look,大家可以搵到幾多個騎呢之處?由下而上,先嚟肉色 legging,水桶格仔套裝,再望上啲,唔好話發現唔到喎!冇錯,就係厚嘴加間尺鼻。哈,仲漏咗後面個髮夾㖭!

當晚嘅 dress code係 pink,所以唐貝詩都 pink lady上身,仲話自己不過係「 18歲」生日,「現時我會以事業為重,希望網上生意做得更加好。另外,明年嘅生日可能都會要求朋友唔好送禮,折現捐去慈善團體會更有意義。」後生女咁識諗,媽咪姐當然要俾 10個 like佢!

(左起)王玉環、王煒、邵音音同花姨跟寇鴻萍勁老友,個個著到靚靚賀世姪女。

谷胸到場嘅黃榕,搶曬主角鏡,好彩最後都醒目,用自拍神器同唐貝詩影番張頭貼頭靚相啫。



鍾意就快D Share啦!