2014年7月25日 星期五

[忽然1周 991] 顏卓靈新書爆被叫陪客 顏卓靈,MW,




媽咪姐

顏卓靈新書爆被叫陪客

書展啱啱完咗,媽咪姐都掃咗唔少書。其中一本就係有份角逐今屆香港電影金像獎影后、《狂舞派》女主角顏卓靈嘅新書《此致》嘞。佢喺書入面自爆咗個鮮為人知嘅私密!







一睇顏卓靈本書個封面,就知佢走清新才女路線,估唔到裏面講到「陪老闆」咁激。

話說佢去一間 model公司試鏡後,俾公司老細拉去生日會,識咗唔少有頭有面嘅人。其中有個 uncle對佢特別好,令佢以為自己遇到「地獄裏唯一的天使」。點知有日顏卓靈同 uncle又喺酒吧傾偈,有個疑似淫媒嘅女人攬住 uncle,仲問顏卓靈有冇興趣返大陸陪老細,嚇到佢呆咗。唉, 20歲女,真係入世未深,地球係好危險㗎!



鍾意就快D Share啦!