掃呢頁CODE去手機

2014年7月24日 星期四

[壹週刊 1272] 中女發力 久休 22年 索嫲戴蘊慧甩拖復出 戴蘊慧,M1,




探熱針

中女發力 久休 22年 索嫲戴蘊慧甩拖復出

防腐力強, 45歲戴蘊慧不但保養得宜,還破格成為娛圈最 young嫲嫲。索嫲近日更著上三點式,逆齡復出!停工 22年的戴蘊慧之所以忽然發力,原因好簡單:甩拖!

三個月分手

做咗阿嫲,戴蘊慧仍有本錢著比堅尼晒 body, 35D加上弧線腰,不讓𡃁模專美。

一把年紀還有心有力求「改良」,背後動力原來同感情有關。

「舊年同個男仔發展咗三個月,雖然一齊時間好短,但感覺好深刻。分手後都好 down,但我唔要打沉自己,分手反而啟發我,女人真係要無時無刻好好咁裝備自己,先可以長期建立自信心。以前唔識咁諗,可能做得家庭主婦耐,個舞台係廚房同鑊鏟,久而久之懶打扮;又以為鍾意你就鍾意,唔需要花心機扮靚,但原來唔係,今次失戀,終於醒晒!」戴蘊慧說。

是兩子之母,又榮升祖母級,戴蘊慧仍有本錢以 35D及纖腰挑戰三點式,勁!

勁減三十七磅

修來美魔功力,反過來要多謝前度!

「係㗎,我多謝佢!原來傷得愈深,反彈力愈驚人。」

感情受挫,戴蘊慧一鼓作氣,由昔日高峰期一百四十二磅,減到得九十七磅。

「我學識做事要 set目標,到我呢個年紀新陳代謝慢,減肥比後生女要花更大毅力,我俾自己八個月時間減二十磅;日日跑步,跑到可以半個鐘跑完五公里,每晚九點後唔食嘢。結果唔使八個月,半年已經減到一百零五磅。依排忙就再瘦啲,得九十七磅,我都嫌太瘦,想肥番少少。」

進階成為凍齡美嫲後,有美容廣告搵上門,品牌活動亦一個接一個。停工二十二年,戴蘊慧眼見機會出現,於是食住上,復出!

「做咗咁多年煮飯婆,令我累積咗唔少下廚心得,呢方面我夠膽講幾耍家。有朋友搵我做烹飪節目,亦都有人鼓勵我出寫真;至於唱歌,一直都有做慈善表演,但仲出唔出唱片就睇機緣。」

四十五歲的她仍一副少女面孔,故當上嫲嫲後,抱住孫都唔似兩婆孫!

高峰期 142磅

一度情傷,令戴蘊慧的起心肝由之前一百四十二磅,減到可以著比堅尼再「上市」。索爆狀態更引來出版商找她出凍齡寫真。

挨在剛為人父的長子 Bryan身邊,兩母子似情侶多啲。

除唱歌,煮得一手好菜的戴蘊慧不時在微博一晒作品,老友丁子高及江欣燕食到讚不絕口。復出拍烹飪節目做廚神,開正佢嗰瓣。

前夫好顧家

戴蘊慧出道第一張唱片叫《 Opening Life》,但結果卻相反,出完張唱片便嫁到新加坡做人妻。

「我冇後悔,雖然最後離咗婚,但前夫好好,仍然好盡責同愛錫一家人。人到中年,唔應該匿喺屋企對住四道牆浪費時間,我有事業心,想發力追番屬於自己嘅黃金時間。」

決定復出,兩個仔對媽咪投以百分百支持。「兩個仔都想我做嘢。細仔最好笑,佢睇完我啲泳衣相,話我應該要再性感啲!」戴蘊慧說。

早前出席活動的戴蘊慧,對比廿五年前的樣子,真係分別唔大。

廿五年前

當年戴蘊慧二十三歲事業剛起步便下嫁新加坡商人,做家庭主婦廿二年。近日決定復出,以四十五歲中年重拾事業。

年初甩拖後,她決心跑步 keep fit,還到美容院狂做 facial扮靚,努力改良自己。

年齡不是包袱

做娛樂圈靠相貌,只要外殼保養得好,就有吸金機會,長搵,快斬,點都得!

羅霖

49歲,生咗三個仔的羅霖,離婚後復出養自己,愈戰愈勇,跟細她十八年的關楚耀拍戲演忘年情侶,高登仔 like爆。

米雪

已經 59歲的米雪,是圈中最早期「凍齡魔女」,多年來中港無間斷拍劇,長做長有;今年初,米雪罕有性感,在微博晒泳衣相,成為一時佳話。



鍾意就快D Share啦!