掃呢頁CODE去手機

2014年7月24日 星期四

[壹週刊 1272] 王菲帶李嫣遊香港 王菲,M1,




潮媽天后

帶住細女李嫣嚟香港,潮媽阿菲心情靚爆,見到鏡頭一啲都唔抗拒。

同你吟一吟

王菲帶李嫣遊香港

早排網上瘋傳,話有天后歌手吸毒被捕,身為王菲經理人陳家瑛,嗱嗱聲發聲明澄清,反而當事人淡淡定,俾人發現同朋友喺北京 high tea之餘,仲趁暑假帶埋細女李嫣嚟香港自由行。

玩伸脷

經過多次矯形手術,李嫣兔唇情況已經好好多,個樣仲愈大愈似爸爸李亞鵬。

上個禮拜一(七月十四日),《壹》仔見到阿菲拖住 8歲大李嫣行銅鑼灣利園,同行仲有佢助手。早排開金口,幫爹哋媽咪以自己個名成立嘅「嫣然天使基金」,獻唱慈善歌曲《 Let's Love》嘅李嫣,個個大讚佢遺傳到媽咪把甜美靚聲,不過個樣就愈大愈似爹哋李亞鵬。

見到《壹》仔,好心情嘅阿菲,只係用手指一指鏡頭,之後就拖實全程紮紮跳嘅李嫣,行去商場後樓梯走人。留喺香港玩幾日,阿菲再帶李嫣去泰國,兩母女原來去咗蘇梅島,日日陽光與海灘。

離婚時,阿菲同意細女跟李亞鵬一齊生活,既然兩母女唔係成日見,出埠開心吓,遠離是非地,好事!

母女髻

阿菲同李嫣坐帆船出海,近年愛上玩瑜伽嘅阿菲,更响船上做瑜伽影相,心情靚爆。

香港

兩母女飛去泰國玩,喺香港同泰國機場,都俾人影晒相放上網。

泰國



鍾意就快D Share啦!