掃呢頁CODE去手機

2014年7月30日 星期三

蔡穎恩甜笑認戀情 與男友拍拖兩年 蔡穎恩,




蔡穎恩甜笑認戀情 與男友拍拖一年

2014-07-29 22:30:00



蔡穎恩認與男友拍拖一年(右圖),佢仲鬧着玩掩住陳嘉寶個嘴,以防佢愈爆愈多料﹗

鄭中基﹑陳嘉寶﹑蔡穎恩(Evelyn)及林德信等,今晚喺九龍木球會,出席電影《第7謊言》祝捷會。戲中Evelyn與林德信飾演一對,兩人仲有親熱鏡頭,Evelyn面紅紅表示自己好好彩,拍兩次戲都同型男咀嘴,對上一位係靚仔李治廷。

另外,Evelyn曾與Mr.成員Tom拍拖,之後又被影到與緋聞男友馬志威喺coffee shop撐枱腳,不過早前Evelyn被拍到與男友甜蜜行街嘆Coffee,佢就坦承戀情,又自爆已經拍拖一年;Evelyn又話男友係圈外人,當時工作低潮時遇到佢,對方予以鼓勵。

Evelyn表示:「新聞出街後,佢都俾朋友笑,但佢冇嬲,不過知朋友笑佢,我都心痛。」咁男友係咪結婚對象呢?Evelyn就話等自己事業再衝刺先,而身旁陳嘉寶則鬧着玩搭訕,爆佢哋成日一齊食飯,又慫恿好姊妹快啲結婚擺酒,搞到Evelyn要掩住佢把口呀。



林德信(攝影:仇志德)









早前Evelyn被拍到與男友拍拖。(資料圖片)



鍾意就快D Share啦!