掃呢頁CODE去手機

2014年8月7日 星期四

[壹週刊 1274] 車廂談心 林師傑秘食湯洛雯 林師傑,湯洛雯,M1,




被指「車震」的林師傑,食女貪方便,搭上在《愛•回家》飾演自己女友的湯洛雯。

探熱針

車廂談心 林師傑秘食湯洛雯

人稱「溝女王」的羅天宇,在處境劇《愛•回家》中嗒完「女友」湯洛雯,再搞「細妹」蔣家旻,兩大小花有殺錯、無放過;至於同樣係「食家」的「木偶哥」林師傑,亦暗撻湯洛雯,大無畏食好兄弟二手菜。本週一(八月四日),二人開工前先拍拖到九龍灣一間茶餐廳撐枱腳,之後匿上車談心,而早前踢爆「捉姦在車」的林師傑舊愛鄧穎芝,亦忍唔住口寸爆:「乜又喺車呀?」

換伴

湯鎮業姪女湯洛雯去年加入《愛•回家》大家庭,被安排同羅天宇演情侶,當時男方雖然同劇中飾演自己「細妹」的蔣家旻拍拖,但美女當前,身為「溝女王」的他,決定飛起「細妹」,改追湯洛雯。拍拖唔夠半年,隨着劇情發展,馬子仁(羅天宇飾)同李思思(湯洛雯飾)分手,二人的感情亦告一段落。

甩拖後,湯洛雯被安排同「木偶哥」林師傑一對,同樣是「食家」的林師傑,決定人棄我取,假戲真做,將湯洛雯追到手。

本週一(八月四日)傍晚,林師傑與湯洛雯開工拍《愛•回家》前,先拍拖到九龍灣展貿中心一間茶餐廳撐枱腳。現場所見,二人跟餐廳員工非常熟絡,不斷有人主動上前打招呼及影合照。食足兩粒鐘,林師傑拎住兩袋外賣,坐上湯洛雯坐駕,出發往九龍城開工拍外景。

冧笑

二人等埋位期間,匿在車廂談心,更不時對望甜笑。

黐頭芒

化妝師幫林師傑補妝時,湯洛雯出手幫男友印汗。

導演嗌 cut機,兩個依然拖住手。

又係車

到埗後,二人一直匿在車廂,繼續談心,湯洛雯不時望住男友冧笑,直到導演嗌埋位,兩個才施施然落車,其間,湯洛雯更出手幫林師傑印汗,旁若無人。

入行未幾即同鄧穎芝( Vangie)撻着的林師傑,拍拖兩年不斷背住女友偷食,今年三月, Vangie忍無可忍提出分手,更公然在社交網站暗寸舊愛,被她發現半夜三更到荒山野嶺「車震」。

有關林師傑與湯洛雯在車廂談心, Vangie語氣無奈。「乜又喺車呀?(分手關唔關湯洛雯事?)我哋分手唔關 Roxanne(湯洛雯)事,係其他女仔,我知佢同 Roxanne識咗好耐,都有介紹過我識,(其他女仔即係唔只一個?)佢啲嘢你問返佢啦。」

二人在九龍城一間茶餐廳撐枱腳打牙骹。

離開時見到記者,二人極速彈開,勁避忌。

早前鄧穎芝公開踢爆舊愛林師傑帶女到荒山野嶺「車震」。

羅天宇早前被爆分別嗒過蔣家旻(左)及湯洛雯,好識食。



鍾意就快D Share啦!