掃呢頁CODE去手機

2014年8月11日 星期一

14日戀情玩完 周子揚認同何傲兒分手 周子揚,何傲兒,




【短片】【連咀13啖不祥?】個零月貨仔 戀情見光死 周子揚認與何傲兒分手

2014-08-11 22:35:00



其他影片:>>






【連咀13啖不祥?】個零月貨仔 戀情見光死 周子揚認與何傲兒分手

日前先至俾本報影到喺家俬店連咀13啖嘅何傲兒同富家子周子揚,拍拖個零月,今日卻有消息指何傲兒單方面突然宣佈分手。

何傲兒話覺得自己喺感情方面未ready,故決定分手。但奇在原來佢同記者講分手時,周子揚係全不知情,子揚仲傻更更咁匆匆收線話要了解下。

今日周子揚喺將軍澳接受記者訪問,問到係咪分手?佢語氣平靜承認:「係呀,我哋已經分咗手。」記者謂你哋啱啱先開始拍拖?佢話:「係呀。」何傲兒提出分手?周子揚話:「冇乜所謂,總之大家都有呢個睇法。」出現乜嘢問題?佢話:「冇乜特別原因,我哋傾過感情事唔回應,多謝大家關心。」

仲係朋友?周子揚話:「當然係。」影到啜嘴相女方嗌分手?佢否認:「唔關事,總之原因唔想講。」再見尷尬?佢話:「唔會。」

問係咪搞地下情?周子揚即刻窒一窒:「我唔想再講感情事。」



周子揚今日認與何傲兒分手。



佢又話唔想再講感情事﹗



鍾意就快D Share啦!