【感情穩定】Jun搵憶蓮做歌曲監製 否認九月拉埋天窗
2014-08-11 21:39:00
（攝影：沈健程）
恭碩良（Jun）今日正式加盟太陽娛樂，側田﹑黃柏高﹑小肥等都有撐場，Jun喺現場唱咗首新歌《Believe》，首歌係由女友林憶蓮擔任歌曲監製，Jun表示唔想再唱到好似外國人唱廣東歌咁，所以索性搵佢女友幫手。
而黃柏高（Paco）當然有出席記者會，佢仲話簽Jun係佢15年來心願，Paco表示：「15年前Jun出道，喺電台聽到佢把聲，覺得驚為天人，點解咁好歌手唔係我簽到呢？我好欣賞佢才華，所以一直都等機會，0依家都終於等到。」
咁係咪15年來都keep住搵對方？Paco就話：「唔係，Jun係一個好有性格的人，好有藝術家脾氣，佢嘅理念係覺得唔係每個人都合作到，佢最近成長同開竅，所以佢主動搵我，我就同佢講，只要佢認同我企劃，就可以幫佢，結果大家一拍即合，自己比較驚訝，Jun同我講想喺電影方面發展，今年Jun已拍咗兩套戲，希望嚟緊可以幫佢度身訂造角色。」
另外，講到周焯華近日新聞多姿多采，Paco聞言即帶笑耍手兼擰頭，佢話：「我好忙，主力忙音樂同電影工作。」問到有否關心對方？Paco避談兼耍手擰頭：「今日主角係Jun，多謝大家。」
而Jun喺現場獻唱五曲，問到點解主動搵Paco，佢話：「其實識咗一段時間，喺event見過好多次，亦同佢藝人合作過，自己好多朋友都簽咗畀佢，知道Paco口碑好好，所以就合作，覺得自己係時候，個Feel唔係太細路，亦都唔係太成熟，自己主力想電影，拍多啲戲，朋友都話我好搞笑，自己中咗戲癮，中咗戲癮係拍《同門》開始，會唔會拍多啲喜劇？自己覺得好笑，人哋未必覺得好笑，所以唔會揀，乜嘢角色都想試下。」
另外，問到係咪因為感情穩定，所以公開搵女友幫手做監製？Jun話：「我哋之前有合作過，呢隻歌以外都有合作其他歌。大家都係同行，好嘢應該要Share一下，自己唱歌經驗冇對方咁多。」係咪聽晒憶蓮話？佢話：「冇話聽晒佢話，但我問好多嘢囉，佢亦都畀好多意見我，」
有傳佢同憶蓮九月結婚，Jun就話：「私生活就係私生活，如果真係有喜事就不妨講，但係我唔可以話來自破碎家庭， 但自己做到嘅嘢，就係做多啲善事同寫多啲好歌。」言談間間接否認婚訊，Jun又話自己有兩隻狗，得閒帶佢哋出街好開心，又話當狗狗係自己小朋友。
另外，有傳因為憶蓮同Jun拍拖，令憶蓮同囡囡關係好咗？Jun聞言反應甚大：「哇﹗冇啲咁嘅事，自己係好贊成小朋友去見下世面，作為長輩亦贊成要讀多啲書，好似我十幾歲時候，去美國讀書，Bulid up咗音樂事業，當然最重要身體健康。」
恭碩良同女友林憶蓮感情穩定。
恭碩良否認同憶蓮九月結婚。
側田想點呢？
黃柏高避談周焯華近日新聞。
|
鍾意就快D Share啦！
|
|
|
