掃呢頁CODE去手機

2014年8月5日 星期二

傅穎出墊術谷胸扮王后 傅穎,BKD_S,

傅穎指角色由忠變奸,有不少內心戲發揮。


傅穎出墊術谷胸扮王后

幾乎全力在大陸發展的傅穎,最近又到橫店拍古裝劇。飾演王后的她造型性感華麗,靠nude bra谷出北半球!以為做王后萬千寵愛在一身?除了在大熱天時被迫焗桑拿外,沉重的頭飾令她渾身痠痛,更要日日運動保持美態,絕對是有苦自己知!

傅穎最近到橫店拍攝內地古裝劇《通天狄仁傑》,預計逗留2個月。演「王皇后」的她幾乎套套戲服都是低胸裝,露出罕見的事業線,她坦言一味靠谷:「我有用nude bra,其實好辛苦,我唔介意冇胸o架,依家都係配合角色,唐朝女仔係豐滿啲。其實我算好保守,好小兒科,其他妃子仲袒胸露臂。」

最怕變肥婆

第二次拍古裝劇的傅穎,兩次均飾演王后,雖然有靚衫着,不過笨重的后冠頭飾和華麗服裝卻令她苦不堪言:「頭飾實在太重,搞到肩頸位好痛,要帶頸枕紓緩。其實做王后真係唔簡單,相比妃子,王后啲衫保守好多,簡直密不透風,我依家好似日日焗桑拿。」為了應付每日超過35度的高溫,傅穎實行三管齊下:「手提風扇當然唔少得,自己又帶咗退熱貼同冰涼貼,劇組都有專人煲綠豆湯。」

傅穎坦言頭飾太重致頸肩痠痛,故帶備頸枕紓緩。
  • 傅穎坦言頭飾太重致頸肩痠痛,故帶備頸枕紓緩。
傅穎帶備頸枕紓緩。
  • 傅穎帶備頸枕紓緩。

不過傅穎最怕的並非酷熱天氣,而是變肥婆!她說:「上年喺橫店拍咗2個月肥咗10磅,因為橫店冇消遣娛樂,一得閒一辛苦就想食嘢,呢度嘢食又好味,所以今次一定要keep住做運動。」她謙稱自己在內地仍是新人,很滿意酬勞,最開心是今次角色有很大挑戰:「我個角色最後會有啲癲,會走火入魔,我未做過呢類型。」

文:音樂組



鍾意就快D Share啦!