【短片】【深宵拍拖】與西裝男蹺手行街斷正 李詩韻發忟憎：你哋唔好咁樣啦﹗
2014-08-02 03:43:00
【深宵拍拖】與西裝男蹺手行街斷正 李詩韻發忟憎：你哋唔好咁樣啦﹗
喺大台冇乜嘢做，一年都係拍兩套劇嘅李詩韻，感情生活多姿多采，除咗拍拖四年幾的鄧健泓外，詩韻身邊緋聞男友非富則貴，包括清洪契仔巫翊鳴、金融才俊Phil、保良總理吳守基，告東尼之子告崇恩，薛凱琪緋聞黑人高層Reggie Martin，雖然佢對感情事三緘其口，但今日凌晨詩韻同中年男蹺手行街斷正喎﹗
事緣今日（2號）凌晨約十二點半，詩韻與一名西裝男現身中環，估計佢哋係食完消夜，當時李詩韻蹺住該男，從中環置地廣場行至雪廠街，之後上車離開。
座駕駛到西半山第三街附近時，被司機發現有記者尾隨，並試圖兜圈撇甩記者， 但唔成功。
喺紅燈停車時，李詩韻終於忍唔住落車，語帶生氣表示：「不如你哋唔好咁樣啦，好唔好呀？」記者追問該男子係咪男友？詩韻表示：「即係我覺得你哋咁樣呢，真係幾過份囉。」然後又話：「好啦，我自己行喇﹗唔該晒你哋呀﹗」
李詩韻落車後急行，沿途佢話：「唔該唔該﹗」記者就話：「唔好咁啦，講兩句啦﹗」李詩韻再說：「你哋唔好咁樣啦，你哋已經令到我好辛苦。」記者表示：「唔緊要啦，其實呢度你又冇車，不如你上返車，返屋企咁咪算數囉﹗」李詩韻話：「我行返屋企得喇，多謝你哋。」記者表示：「咁你就咁留低男朋友好唔開心0架嘛，係咪？」詩韻見點行都避唔到記者，行到十字路口位見到有部警車，仲好忟憎咁話：「你哋再係咁，我上警車0架。」
之後仲走向同時停下等紅燈嘅的士，打算上車離開，點知的士司機唔做佢生意。而一直喺車入面嗰位西裝男見狀，即刻叫返佢上車，可惜詩韻上車唔夠5秒，見記者追訪不肯走，又再次落車，之後過對面馬路截的士離開。
另一邊廂，阿西裝男見被記者影，驚到要用西裝遮面，之後再由司機開車去中環新世界停車場。
採訪、攝影：畢紹基、陳辰、黃曉程
|
鍾意就快D Share啦！
|
|
|
