【短片】被周子揚狂轟 趙哲妤眼濕濕:唔理我形象，對佢好失望
2014-08-02 03:13:00
被周子揚狂轟 趙哲妤眼濕濕:唔理我形象，對佢好失望
日前有報道指曾經幫周子揚拍MV嘅趙哲妤，被問到何傲兒同周子揚嘅戀情時，一度指有人搶佢男朋友，又暗寸有人借激咀做宣傳。
不過事後周子揚維護女友而狂轟趙哲妤，直斥佢「冇資格講我同傲兒」。趙哲妤今日喺新蒲崗出席有線《為食情報局》活動，對於周子揚所講，佢就一臉委屈眼濕濕話:「件事我覺得好委屈，本身我同佢(周)係朋友，之前拍MV，記者問我，我係維護佢，我同佢係冇可能發展，但佢咁講係好狠心，唔理我形象，對佢好失望。我冇話Lily(何傲兒)搶我男友，係好醜陋嘅誤會，佢(周)好唔gentle。」
問佢係咪同周子揚反面？趙哲妤話:「我諗過唔好聯絡，但噚日佢打比我，話佢維護Lily感受先至咁講。」趙哲妤表示曾經喺活動見過何傲兒，覺得對方甜美可愛，對於有傳何傲兒貪錢，趙哲妤話:「如果佢貪錢就唔揀周子揚」言下之意係咪話周子揚冇錢？趙哲妤句句有骨話:「屋企人有錢，唔代表比個仔養女友。本來係慶祝我簽約做主持，點知周子揚送份大禮比我！」
(攝影:陳志嵐)
趙哲妤最近捲入何傲兒同周子揚嘅戀情入面。
周子揚講到佢「冇資格講我同傲兒」，趙哲妤覺得好委屈，眼濕濕。
不過之後又有骨咁寸爆周子揚話屋企有錢，唔代表佢有錢。
|
鍾意就快D Share啦！
|
|
|
