[FACE 378] 考人夫定力 陳凱琳甜爆張繼聰 凱琳,張繼聰,陳凱琳,MF,

連黃智賢、張繼聰兩位人夫都咁受落，陳凱琳開工當然開心，見到鏡頭自然識 chok甫士。＃ grace chan＃ chok＃人夫

貼圖區

考人夫定力　陳凱琳甜爆張繼聰

去年以 17萬選票成為民選港姐冠軍嘅陳凱琳，除咗靚樣外，仲有觀眾緣，加埋老豆身家億億聲，屋企又住九龍塘獨立屋，成個天使咁

咁屈機嘅條件都未夠，原來 23歲陳凱琳冧功亦一流，喺大台唔夠一年已經冧盡一眾高層，拍劇、做騷打孖上，搞到一眾二綫姐仔葡萄。拍完《商戰》後，陳凱琳即拍新劇《 4個女仔 1個 Bar》，劇中升呢做女二，更令一眾台前幕後男性暈大浪。

前週日（ 10日）到金鐘高等法院拍外景，陳凱琳即場表演冧功。

Roll機前先請張繼聰食朱古力，人夫當然食得開心，但企隔籬嘅中佬黃智賢見到就勁葡萄，仲話：「我冇㗎？」陳凱琳二話不說，即送愛的抱抱作回應！咁識冧人想唔紅都幾難

陳凱琳冧人有一手，張繼聰都唔弱，喺手機搵咗張鬼妹相，讚陳凱琳似鬼妹！小心老婆 Kay呷醋呀！

陳凱琳真係識冧人㗎！請張繼聰食嘅 SOYJOY大豆果滋棒，正好係張繼聰代言，人夫當然受落啦，仲好得戚添。

＃ SoyJoy＃冧仔＃ Kay老公

《 4個女仔 1個 bar》為陳凱琳第二套劇，監製陳維冠亦相當緊張，每次有陳凱琳戲分，必定親自到場教戲。

唔只小生、監製、高層先冧㗎，就算五、六綫奀星，陳凱琳亦識做，主動斟水畀「拉丁霍啟剛」關浩揚飲，不過遞隻紙杯嘅擺位，有啲尷尬囉！

黃智賢見陳凱琳請張繼聰食嘢，即時葡萄，仲話：「我冇㗎？」陳凱琳即刻攬住佢，冇得食都開心＃笑晒＃抱抱

大台嫩口花旦少， 23歲陳凱琳咁好條件，當然受力捧，選完港姐冇耐即拍劇。處女作《商戰》同男二黃浩然有唔少感情戲。

拍劇就冧盡小生，陳凱琳早前拍飲食節目《搵食飯團》，就不時同另一主持大隻仔溫家偉頭貼頭影相，仲放上 ig，睇嚟陳凱琳真係男人恩物喎！

鍾意就快D Share啦！

下一篇 》