掃呢頁CODE去手機

2014年9月5日 星期五

[忽然1周 997] 又嚟「閃卡」 群星爭認醒目仔 MW,




做咗黑客目標嘅金像影后珍妮花羅倫絲最慘,第一個俾人擺上網,款式多到數唔晒。下次影相真係要諗清楚。

媽咪姐

又嚟「閃卡」 群星爭認醒目仔

荷里活過百女星信錯 iCloud,搞到私密「閃卡」通發全世界,真係慘慘豬(想睇詳情,陣間記住揭埋去 P.94)!唔少港星都用智能手機,佢哋多數曲線讚自己醒目,話唔信科技嘢,唔會用 iCloud儲存,只係阿嬌話覺得 iCloud好方便,放咗唔少相上去。嗯,阿女,都係唔好咁勇好喎!見過鬼都唔怕黑?

陳慧琳:淨係影囝囝

我唔會擺自己嘅相上網,電腦都信唔過, delete咗都可以睇得番,何況係網上嘅嘢,唔用 iCloud,又唔影呢啲相。影囝囝沖涼,都係擺 hard disk。

周秀娜:唔影私密相最安全

網上世界好危險,放喺邊都唔安全,最安全就係唔好影。

阿嬌:相信用 iCloud係安全

我有用 iCloud,我覺得呢樣嘢係好私人嘅嘢嚟嘅。大家偷睇咗人哋啲嘢,反而仲要鬧人哋,我覺得係好唔啱嘅一件事。

Amanda S:只係用相機

電話通常影食物相,其他就用相機影。依家科技發達,乜嘢都可以發生,我記性好好,唔使影相。

郭富城:冇 iCloud帳戶

我唔用 iCloud,唔信呢啲嘢,始終擺喺一個冇 locker嘅地方,好唔安全。

容祖兒:只係擺相喺屋企嘅硬碟!

我又唔會影裸照,個小不點有乜好睇吖!個櫃桶係屬於人哋,咁你梗係唔可以將一啲你覺得唔安全嘅嘢,擺喺嗰啲櫃桶度尤其係依家嘅黑客鍾意挑戰㗎嘛。



鍾意就快D Share啦!