全城熱爆的娛樂八封新聞 & 時事趣聞 & 生活 + 趣聞
做咗黑客目標嘅金像影后珍妮花羅倫絲最慘，第一個俾人擺上網，款式多到數唔晒。下次影相真係要諗清楚。
荷里活過百女星信錯 iCloud，搞到私密「閃卡」通發全世界，真係慘慘豬（想睇詳情，陣間記住揭埋去 P.94）！唔少港星都用智能手機，佢哋多數曲線讚自己醒目，話唔信科技嘢，唔會用 iCloud儲存，只係阿嬌話覺得 iCloud好方便，放咗唔少相上去。嗯，阿女，都係唔好咁勇好喎！見過鬼都唔怕黑？
我唔會擺自己嘅相上網，電腦都信唔過， delete咗都可以睇得番，何況係網上嘅嘢，唔用 iCloud，又唔影呢啲相。影囝囝沖涼，都係擺 hard disk。
網上世界好危險，放喺邊都唔安全，最安全就係唔好影。
我有用 iCloud，我覺得呢樣嘢係好私人嘅嘢嚟嘅。大家偷睇咗人哋啲嘢，反而仲要鬧人哋，我覺得係好唔啱嘅一件事。
電話通常影食物相，其他就用相機影。依家科技發達，乜嘢都可以發生，我記性好好，唔使影相。
我唔用 iCloud，唔信呢啲嘢，始終擺喺一個冇 locker嘅地方，好唔安全。
我又唔會影裸照，個小不點有乜好睇吖！個櫃桶係屬於人哋，咁你梗係唔可以將一啲你覺得唔安全嘅嘢，擺喺嗰啲櫃桶度尤其係依家嘅黑客鍾意挑戰㗎嘛。
